أوضح الفنان مصطفى كامل نقيب المهن الموسيقية، السبب وراء عدم تواصله مع المطربة أنغام، بعد أزمتها الصحية الأخيرة، مؤكدا على تجاهل رسالته من الأخيرة.
مصطفى كامل يكشف سبب عدم تواصله مع أنغام
وقال مصطفى كامل خلال لقائه ببرنامج «ET بالعربي»: “ربنا يقومها بألف سلامة ويشفيها لآبنائها وجمهورها.. لكن آخر مرة أعلنت إنها تعبانة بعتلها رسالة وقولتلها طمنيني مردتش، للأمانة مبعتش رسايل تاني.. أنا مؤمن بدوري المؤسسي وإن لازم أكون حبيب وزميل الكل.. مش هقعد أدور على أي فنان زميلي وهو ميردش، في حاجة اسمها تقدير”.
وتابع مصطفى كامل: “دوري كنقيب إني أطمن ولما تبقى زميلتي وبحبها فطبيعي لما تشوفي رسالتي وأنا بطمن تردي أنا مبقولكيش ابعتيلي فلوس سلف.ولما مردتش مبعتش تاني أنا مبحبش على نفسي كده”.
مصطفى كامل يوجه رسالة لـ راغب علامة
وجه مصطفى كامل رسالة إلى المطرب اللبناني راغب علامة، عقب أزمته الأخيرة، مؤكدا على رفضه الشديد لما تعرض له من قبل مواقع التواصل الإجتماعي.
وقال مصطفى كامل خلال مداخلة هاتفية: “لما بنبقى في حفلة، أنا قادر إني أقول للمنظم، أنا مش عايز حد يطلع على المسرح، أنا مش عايز المشاهد دي، حتى لو قبلت ده كزوج أو أب أو المجتمع كمان، لكن الوضع العام لنقابتي وتقاليد البلد لا تسمح بده”.
وتابع مصطفى كامل: “كل خوفي يا راغب، لما تعمل كده، ييجي فنان تاني يعمل زيك، والخوف الأكبر من التجويد اللي بعد كده، نطلع بالمايوهات ونعوم على المسرح؟ ولا نروح فين؟”.
