مصر ماشية بخطى كبيرة جدا علشان توصل لحلم تحقيق الإكتفاء الذاتي من الغاز الطبيعي.. ياتري اية اللي بتعمله مصر علشان تحقق الاكتفاء الذاتي من الغاز الطبيعي.. وهل مصر قادرة على العودة لتصديره للخارج مرة تانية.
في الوقت الحالي مصر فتحت ابوابها وبشكل كبير جدا قدام استيراد الغاز الطبيعي من الخارج، ده بسبب النقص اللي حصل في الإنتاج المحلي، في الوقت اللي حثل فيه زيادة كبيرة في الاستهلاك سواء كان من المصانع أو محطات توليد الكهرباء او حتي الاستهلاك العادي سواء كان في محطات تموين السيارات أو الاستهلاك المنزلي.
الزيادة الكبيرة اللي حصلت في الاستهلاك المحلي للغاز الطبيعي والنقص اللي حصل في حقول الإنتاج خلال الشهور اللي فاتت ولد أزمات كبيرة في مصر منها اللي ظهر بالفعل ومنها اللي كان متوقع ظهوره خلال الشهور اللي جاية، اول الأزمات اللي ظهرت كان أزمة تخفيف الأحمال وقطع الكهرباء واللي مصر عانت منها لفترة طويلة وصلت لسنة كاملة كانت فيها الكهرباء بتقطع عن كل المحافظات لمدة ساعتين وثلاثة، ده غير الأزمات اللي كان متوقع انها تحصل بعد في قطاع الصناعة وتأثيره علي إستمرار الاستثمارات الأجنبية في السوق المصري.
طيب إزاي الحكومة اتحركت علشان تأمن احتياجات السوق المصري من الغاز الطبيعي ؟.
مع بداية الفترة الرئاسية الجديدة للرئيس عبدالفتاح السيسي صدرت توجيهات مباشرة للحكومة بحب كل المشكلات اللي موجودة في السوق المصري، وخصوصا مشاكل قطاع الصناعة، اول قرار أخذته الحكومة كان فتحت باب استيراد الغاز الطبيعي من الخارج وتغطية النقص المحلي من الغاز الطبيعي.
تاني قرار أخذته الحكومة كان بحث اسباب انخفاض انتاج الغاز من الحقول المصرية، وكان السبب هو اهمال الحكومة في دفع المستحقات المالية للشركات الأجنبية العاملة في مجالات البحث والتنقيب عن آبار البترول الجديدة واللي شغالة في مصر، وعلي طول الحكومة اخذت خطوات مهمة جدا لتوفير مستحقات الشركات وعودتهم لاستئناف شغلهم مرة تانية في مصر .
التوجيهات الرئاسية للحكومة بدأت تتنفذ علي أرض الواقع وفعلا الحكومة وفرت جزء كبير من مستحقات الشركات الأجنبية اللي كان لها شغل في مصر، وحطت مواعيد ثابتة لسداد باقي مستحقات الشركات، والشركات لما شافت الحكومة ملتزمة في سداد ديونها، فكل الشركات رجعت وبدأت تشتغل مرة تانية، وفي عدد كبير من الشركات الجديدة بدأت تدخل السوق المصري لما شافت أن الحكومة المصرية ملتزمة بسداد مستحقات الشركات.
في الوقت الحالي مصر بقت مستهدفة من الشركات الأجنبية للدخول في قطاعات التنقيب والبحث عن آبار البترول خصوصا آبار الغاز الطبيعي، وده اللي خلي واحدة من أكبر الشركات وهيا شركة إيني الإيطالية ترجع وتكمل شغلها وبكل قوة وبدأت تطوير الآبار الجديدة في حقل ظهر وتبدأ تحفر آبار جديدة ومتوقع مع بداية 2027 مصر تعلن عن تحقيق الاكتفاء الذاتي من الغاز الطبيعي ومرشحة انها تبدا تصدير بعدها علي طول.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
