أزمات كتيرة مرت علي مصر في العصر الحديث ولكن الحكومة في كل مرة عرفت بتتصرف بالشكل المطلوب.. ياتري اية أبرز الأزمات الاقتصادية اللي مرت علي مصر.. وازاي الحكومة بتفكر في الاقتصاد الفترة الي جاية.
طب عمرنا بنسمع عن كل فراعنة واللي بيفهم كويس في التاريخ هيعرف أن الفراعنة هما اللي بدوا الحكاية في كل نواحي الحياة سواء كانت علمية أو عملية وعملوا حاجات لحد النهاردة العلم الحديث بكل التطور اللي وصل له لكنه لسه واقف عاجز قدام تفسيرها.
المصريين في الوقت الحالي بيسيطروا ملحمة جديدة بس المرة في الاقتصاد الحديث خصوصا أن مصر مرت بعدد كبير من الازمات الاقتصادية واللي لو فضلت كان وضع الدولة المصرية هيكون في موقف سئ ومختلف تمام غير الوضع اللي موجودة عليه حاليا.
طيب اية هيا أبرز الأزمات الاقتصادية اللي مرت علي مصر في الفترة الجديدة وازاي الحكومة تعاملت معاها ؟.
من 2011 ومصر بتتعرض لتحديات اقتصادية شديد جدا، وبعد ثورة 25 يناير، مصر كانت بتواجه نقص حاد في الاحتياطات من العملة الأجنبية والاحتياطات الأجنبية تراجعت من 36 مليار دولار في ديسمبر 2010 إلى 16.3 مليار في يناير 2012، وعلشان الحكومة تعوض النقص ده لجانا لصندوق النقد الدولي في 2016 وحصلت على قرض بـ12 مليار دولار ضمن برنامج إصلاحات مكثفة شمل تحرير سعر صرف الجنية المصري ورفع الدعم، ونجحنا في رفع الاحتياطات إلى أكثر من 44 مليار دولار بين 2016 الي 2019.
واحدة كمان من الأزمات الاقتصادية اللي مرت علي مصر في الألفية الجديدة هيا جائحة فيروس كورونا المستجد ومصر كانت محتاجه بشكل كبير جدا للتمويل؛ وحصلنا على 2.8 مليار دولار من صندوق النقد من خلال اداوات التمويل السريع بالإضافة إلى 5.2 مليار دولار من خلال الاتفاق الاستعداد الائتماني، ده غير الدعم اللي وصل لمصر من الشركاء الدوليين ضمن حزمة بـ20 مليار دولار من الصندوق الدولي والبنك الدولي وأوروبا واليابان وبريطانيا.
ثالث أزمة مرت علي مصر كان الأزمة الكبيرة اللي تعرضت لها مصر بسبب خروج نسبة كبيرة من الأموال الساخنة مع بداية الأزمة السياسية اللي موجودة بين اوكرانيا وروسيا وفي الوقت ده السوق المصري شهد خروج أكثر من 14 مليار دولار خلال فترة قصيرة جدا، وده زود الضغط على الاحتياطات والسيولة الخارجية.
طيب إزاي بتخطط للوقت اللي جاي بالتزامن مع الإصلاحات الاقتصادية اللي قامت بيها ؟.
الميزانية الجديدة للعام المالي 2025–2026 بتوصل قيمتها ل 4.6 تريليون جنيه، وبتستهدف تحقيق فائض أولي هيوصل ل 795 مليار جنيه بما يعادل 4% من الناتج المحلي، وخصصنا 732 مليار جنيه للدعم والمساعدات الاجتماعية واللي بتشمل دعم السلع والبترول والكهرباء والغاز، ورفع الحد الأدنى للأجور لدعم الطبقات الضعيفة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
