خرجت الفنانة سما المصري بعد ارتداءها الحجاب وإعلان توبتها، لتوجه نصيحة جديدة من نصائحها للجمهور ومتابعيها عبر حسابها الرسمي بموقع تبادل الصور والفيديوهات انستجرام.
سما المصري تناجي الله: حقك عليا يا حبيبي سامحني
وكتبت سما المصري في منشور رصده موقع تحيا مصر عبر حسابها الرسمي بموقع تبادل الصور والفيديوهات انستجرام، مرفقة صورة جديدة لها بالحجاب: ربنا مفيش احن منه بس احنا اللي دايما مش شايفينه لو شايفينه علطول عمرنا ماهنزعله ولا نغلط عشان احنا منه مفيش حقك عليا يا حبيبي سامحني.
سما المصري ترتدي الحجاب
يذكر، أن سما المصري قد أعلنت منذ أيام ارتداءها الحجاب، حيث ظهرت به في فيديو عبر موقع تيك توك وقالت فيه: استروا عليّا.. اللي عنده فيديو وحش ليا يشيله أنا تعبانة ومش قادرة أعيش، تبت لربنا وربنا تاب عليا. يا رب تقبلها مني علشان خاطري. أنا مش هبيّن شعري ولا جسمي تاني. ساعدوني، أنا هقفل كل حاجة وهاكسب بالحلال.
كما كشفت سما المصري تفاصيل توبتها في تصريح خاص لموقع تحيا مصر، قائلة: محدش سبب في حجابي ولا حد اثر عليا ألبسه انا من زمان كنت دائما بافكر البسه ودا كان واضح من بعض بوستاتي الخاصه بالحجاب بس اللي كان مانعني الفتره اللي فاتت اني كنت خائفة البسه احسن مااعملش بيه ولا التزم في لبسي بس لما اخدت قرار ارتدائه نويت باذن الله التزم باللبس اللي يتناسب مع الحجاب.
سما المصري توجه رسالة لجمهورها بعد ارتداء الحجاب
ووجهت سما المصري رسالة لجمهورها بعد ارتداء الحجاب، قائلة: احب اقول لجمهوري بعد الحجاب أنه اللي كان حاببني ومتابعني عشان شكلي الغي المتابعه لأن الشكل هيتغير تماما لكن اللي كان متابعني عشان حابب شخصيتي مش شكلي فإن شاء الله هيبقي في حاجات احلي واحسن في شخصيتي بعد كده هتنال اعجابكم بيا اكتر واكتر بإذن الله، رساله للناس اللي معاها فيديوهات عريانه ليا قلت لهم وتوسلت إليهم وحلقتهم بالغالي عندهم يمسحوا الفيديوهات دي من عندهم انا بارجوهم تاني يمسحوها لأن الذنب في الوقت دا مش عليا هيبقي عليكوا انتوا اللي بتنشروها.
