"السالك النضيف".. الشحات يمتدح زميله في الأهلي ويكشف كواليس "عزومة" ما قبل القمة

كشف حسين الشحات نجم الفريق الأول لكرة القدم بالنادي الأهلي، عن سعادته الكبيرة عقب فوز المارد الأحمر على غريمه التقليدي الزمالك، بهدفين دون رد، وعن تتويج بجائزة رجل المباراة.

وقال حسين الشحات، موجها رسالة إلى جماهير الأهلي:" مبروك لجمهور النادي الأهلي ولاعيبة النادي الأهلي ومبروك لكابتن ياسر ابراهيم اللي مفرحنا وعازمنا ومجمعنا السالك النضيف اللي جمعنا كلنا في عزومة قبل الماتش وقالنا ان شاء الله هنكسب عشان احنا مع بعض وقريبين مع بعض".

وأضاف:" احنا في العزومة تعاهدنا اننا هنكسب والكل اتكلم الشناوي وتريزيجيه وزيزو وامام بعت لنا وكل اللعيبة كله قال يا رجالة دي ماتشات لاعيبة النادي الأهلي وده اللي حصل الحمد لله".

واختتم:" كنا نقدر نجيب تالت ورابع النهاردة بس ربنا مأرادش ومبسوط جدا بجايزة رجل المباراة واللعيبة الكبيرة بتبان في الماتشات في الماتشات الكبيرة وكلنا مش حسين بس الـ 11 لعيب بالتبديلات كلهم مان اوف ذا ماتش".