الغاز الطبيعي بقي واحد من أكبر واردات مصر، واللي بيستهلك جزء كبير من فاتورة الاستيراد.. والسؤال: إزاي الحكومة بتحاول تقلل أو حتى توقف استيراد الغاز الطبيعي من الخارج؟.. وهل مصر تقدر ترجع تاني لتصدير الغاز الطبيعي؟
مصر عندها تحدي كبير في الألفية الحالية، وهو توفير الغاز الطبيعي لكل القطاعات، وبالأخص قطاع الصناعة. الدولة قدمت جهود كبيرة وحوافز وتسهيلات للمستثمرين علشان يدخلوا السوق المصري، لأن ببساطة "مفيش صناعة من غير طاقة".
خلال الكام سنة اللي فاتوا، مصر واجهت تراجع في إنتاج الغاز الطبيعي، السبب كان تراجع عمليات التنقيب وتطوير الآبار، وكمان تأخير في سداد مستحقات الشركات الأجنبية اللي بتشتغل في مجال البحث والتنقيب.
لكن الدولة بدأت تتحرك. أول خطوة مهمة كانت سداد المستحقات المالية للشركات الأجنبية، بعد ما اتدفعت الفلوس، الشركات رجعت وكملت شغلها في السوق المصري، وده فتح الباب لاكتشافات جديدة من وقت للتاني.
" title="الحلم راجع من جديد خطة الدولة لوقف حنفية الدولارات اللي بتدفعها لاستيراد الغاز" frameborder="0">
أهمهم: بئر نفرتاري 1 في البحر المتوسط، باحتياطي يقدر بـ 75 مليار قدم مكعبة من الغاز. حاليا الإنتاج اليومي بيبلغ حوالي 4.1 مليار قدم مكعبة، والحكومة بتخطط يوصل لـ 6.6 مليار قدم مكعبة يوميا بحلول 2027.
ولتحقيق الهدف ده، الدولة بالتعاون مع القطاع الخاص والاستثمارات الأجنبية، بدأت حفر آبار جديدة في:
- الصحراء الغربية
- شمال سيناء
- خليج السويس
- شرق الحمد
كمان في تطوير للحقول القائمة، وصيانة ورفع كفاءة البنية التحتية زي أنابيب الغاز ومحطات التغويز والإسالة.
ولحد ما نوصل للاكتفاء الذاتي، الحكومة بتغطي احتياجات السوق المحلي بالاعتماد على الاستيراد الخارجي، مع توقيع عقود طويلة الأجل لضمان توفير كميات الغاز المطلوبة.
أما عن التصدير.. لو استمرت الدولة في نفس الجهود الخاصة بالتنقيب وزيادة الإنتاج، المتوقع إن مصر ترجع رسمي لتصدير الغاز الطبيعي في بداية 2027، بس ده مشروط بتحقيق الاكتفاء الذاتي أولا، خصوصا في فترات الذروة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
