يا ترى ايه حكاية منجم الدهب اللى هيحط مصر على الخريطة العالمية لصناعة التعدين ؟ وايه المبالغ اللي هيدخلها لمصر الفترة الجاية وليه الدولة مهتمة أوي كده بالاستثمار في التعدين؟ وايه حجم التوسعات اللى بتعملها الحكومة في القطاع ده ؟
من فترة قريبة.. كان الكلام عن الدهب في مصر مرتبط بسوق الصاغة.. والمحلات اللي بتبيع.. لكن دلوقتي.. فيه خبر تاني خالص.. بيتكلم عن الدهب كمورد اقتصادي ضخم.. منجم "إيقات" للدهب في الصحراء الشرقية.. قريب جداً هيكون على خريطة إنتاج الدهب العالمية.. ودي خطوة مهمة جداً عشان مصر ترجع مكانتها في قطاع التعدين.
طب إيه اللي بيحصل في منجم "إيقات"؟
اللي بيحصل هو إن فيه خطط توسعات كبيرة جداً.. عشان تضاعف الإنتاج وتوصله للمستوى العالمي.. الخطط دي بتشمل بناء مصنع كبير.. عشان يستخلص الدهب من الصخور اللي بتحمله.. وكمان محطتين جداد عشان يولدوا طاقة ومياه للمنجم.
" title="منجم دهب هيحط مصر على طريق العالمية إيه اللي بيحصل في “إيقات”؟" frameborder="0">
التوسع ده مش مجرد خطوة عادية.. ده بيتم بالتعاون مع خبرات أسترالية كبيرة في المجال ده.. لإن أستراليا من أكبر الدول في العالم اللي عندها خبرة في مجال التعدين.. والتعاون معاهم بيضمن إن الشغل هيتم بأعلى المعايير العالمية.
وفيه توجه واضح من الحكومة المصرية إنها تهتم بقطاع التعدين.. ومش بس "إيقات".. الوزير المسؤول عن القطاع ده سافر مؤتمر كبير في أستراليا.. اسمه "Africa Down Under".. والمؤتمر ده يعتبر أهم حدث للتعدين في أفريقيا.. مصر شاركت فيه لأول مرة.. عشان تعرض الفرص الاستثمارية اللي عندها.. وتشجع الشركات الأجنبية إنها تستثمر في مجال التعدين في مصر.
في المؤتمر ده.. المسؤولين المصريين قعدوا مع شركات ومؤسسات أسترالية متخصصة.. وعرضوا عليهم خطط تطوير المنجم.. وكمان ناقشوا مع المستثمرين الأستراليين ازاي ممكن ينقلوا خبراتهم لمصر.. وده بيأكد إن فيه نية حقيقية لجذب استثمارات أجنبية جديدة.. وفتح الباب قدام الشركات العالمية عشان تشتغل في مصر.
وليه كل الاهتمام ده بقطاع التعدين؟
ببساطة.. لإن الدهب سلعة استراتيجية.. قيمتها بتزيد مع الوقت.. ومصدر دخل ثابت ومهم جداً للدولة.. لما منجم زي "إيقات" يشتغل بكامل طاقته.. ده هيزود احتياطي الدولة من الدهب.. وبالتالي هيدعم الاقتصاد بشكل قوي جداً.
الخطوات اللي بتتاخد دلوقتي.. زي تطوير المنجم.. وجذب الاستثمارات الأجنبية.. وتسهيل الإجراءات القانونية.. كلها بتصب في مصلحة واحدة.. وهي إن مصر ترجع مكانتها كدولة منتجة للدهب.. وتستفيد من ثرواتها الطبيعية اللي مكنتش مستغلة بالشكل الكافي قبل كده.
منجم "إيقات" هو مجرد بداية.. بداية لمرحلة جديدة من النمو الاقتصادي في مصر.. مرحلة هيكون فيها التعدين.. ومش بس الدهب.. ليه دور كبير في دعم الاقتصاد.. وتوفير فرص عمل.. وزيادة الناتج المحلي
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
