في قرية الخرمان في مركز بالصف بمحافظة الجيزة.. حوالي 100 ألف جنيه اختفوا من ماكينة ATM تابعة لأحد البنوك.
شرطة النجدة استقبلت البلاغ، والمباحث وصلت المكان بسرعة، وبدأوا يسمعوا الشهود ويحصلوا على كاميرات المراقبة عشان يعرفوا إيه اللي حصل.
بعد شوية تحريات.. المفاجأة وقعت
اللي سرق الفلوس مش بلطجي ولا عصابة، ده موظف أمن شغال في شركة نقل الأموال، ومسؤول حراسة الماكينة نفسها.
المتهم استغل لحظة إيداع الفلوس في الماكينة، وجاب 5 مفكات، فتح بيهم الماكينة من الخلف، وخد المبلغ اللي يقرب من 100 ألف جنيه.
لكن الموضوع ما طولش.. المباحث قبضت عليه، ولما واجهوه.. اعترف بكل التفاصيل.
لغز اختفاء الفلوس اتحل، بس الغريب إن اللي المفروض يحميها، هو اللي سرقها يعني " اللى حاميها حراميها".
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
