هوليه البنك المركزي بيشتري كميات ضخمة جداً من الدهب؟ هل هو وحده اللي بيعمل كده.. ولا باقي البنوك المركزية ماشية في نفس الاتجاه؟ وإزاي الدهب بقى جزء أساسي من احتياطي مصر من الدولار؟
في السنة المالية اللي فاتت.. أرصدة الدهب عند البنك المركزي المصري زادت 48.9%.. ووصلت قيمتها لأكتر من 672 مليار جنيه.. وده معناه إنها زادت بحوالي 218 مليار جنيه.. يعني حوالي 4.3 مليار دولار في سنة واحدة بس.
والزيادة دي.. حصلت بسبب سببين رئيسيين.. الأول.. هو إن البنك المركزي نفسه بيشتري كميات جديدة من الدهب.. والتاني.. هو إن سعر الدهب العالمي زاد بشكل كبير جدا.
و إيه اللي بيخلي سعر الدهب يطير كده؟
الموضوع ليه أسباب كتير.. أهمها الضغوط التضخمية.. والتوترات السياسية في المنطقة.. ده غير توقعات تخفيض الفايدة في أمريكا.. كل ده خلى الدهب ملاذ آمن للمستثمرين.. وده خلا سعر أونصة الدهب العالمي قفز 40% في سنة واحدة بس.. ووصل لـ3,343 دولار في نهاية يونيو 2025.. وده رقم قياسي غير مسبوق.
البنوك المركزية في العالم كله.. بتاخد نفس النهج ده.. وبتزود احتياطياتها من الدهب.. ليه؟ علشان تحصن نفسها من أي تقلبات في العملات الأجنبية.
والتوقعات بتقول.. إن أسعار الدهب هتفضل ترتفع في الخمس سنين اللي جايين.. وممكن توصل ما بين 4,500 و6,800 دولار للأونصة.. وده بسبب استمرار الطلب من البنوك المركزية.. والسياسات النقدية اللي بتعتمد على تخفيض الفايدة.
البنك المركزي المصري.. مش بس بيزود احتياطياته من الدهب.. لأ.. ده كمان بيحقق أرباح كبيرة.. الأرباح دي وصلت لـ77.6 مليار جنيه في نهاية يونيو اللي فات.. وده أكبر رقم يحققه في تاريخه..
الأرباح دي.. هي نتيجة جهود كبيرة جداً.. زي تحويل دعم المبادرات اللي كانت بتتكلف مليارات.. لوزارة المالية.. وده خلى البنك يرجع للربحية بعد 7 سنين من الخسائر..
اللي بيحصل ده.. بيقول إن الاقتصاد المصري بيتحرك بذكاء.. وإن تنويع الاحتياطيات.. هو أفضل طريقة علشان نحمي البلد.. ونضمن مستقبلها.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
