عبد الواحد السيد يصدم الجزيري: «لازم يمشي من الزمالك»

علق عبد الواحد السيد مدير الكرة الأسبق بنادي الزمالك، على الأزمة المُثارة حاليًا بين التونسي سيف الدين الجزيري مهاجم الفريق الأبيض ومديره الفني البلجيكي يانيك فيريرا، بعد المشادة التي نشبت بين الثنائي على هامش تدريبات الفريق.

وبسؤال السيد، عن ماذا سيكون تصرفه أو قراره لو كان مدير الكرة الحالي بالزمالك بعد مشادة الجزيري وفيريرا، أجاب في تصريحات تليفزيونية: «هي القصة مش مدير كرة ولا مدير رياضي، لأن التصريح كان مفاجئ.. أنت عندك تحديات كتيره في الدوري الموسم ده وكسبان، ليه تطلع بالتصريح ده».

عبد الواحد السيد: موضوع الجزيري اتعرف لما فيريرا اتكلم

وأضاف عبد الواحد السيد: «هو الموضوع ده ما اتعرفش غير لما المدرب اتكلم فيه المؤتمر الصحفي، وهو اللي فتح باب الكلام دلوقتي، وأنت مكنتش بتسمع عن مشاكل ولا أزمات داخل النادي، وكمان نقلت التمرين للكلية الحربية علشان كده».

وأردف: «أنا شايفه تصريح غير موفق من المدير الفني، خصوصاً أن الموضوع كان بقاله كام يوم ومكانش حد يعرف عنه حاجة وفتح باب الكلام.. وبعيدًا عن حبي لسيف الدين الجزيري، لكن الكلام ده يخلي سيف لازم يروح مكان تاني لو هو حابب يلعب كأس أمم إفريقيا وكأس العالم مع تونس، أو بطولات غيرها».

عبدالواحد السيد: لازم الجزيري يرحل عن الزمالك

واختتم السيد: «سيف الدين الجزيري محترم جدا، وهي المشكلة أنت مش عارف حالته النفسية لما ينزل هتبقى إيه.. أنا شايف كان لازم سيف الدين الجزيري يشوف حاجة تانية من بدري لو حس أن مفيش رغبة، وهو عنده حاجات كتيرة عايز يعملها».