الحزن المكتسب

اسمحولى قرائي الأعزاء التحدث بالعامية في هذه المقالة.

ناس كتير مبيبقاش عندها قلق ولا توتر ولا أي حاجة تشغلهم إلا في حدود الانشغال الطبيعي بأمور الحياة العادية، وفجأة نلاقيهم اتغيروا وبقوا يشيلوا هموم ويزعلوا بسرعة وعلى طول متوترين وقلقانين وممكن منهم يدخل في مرحلة من مراحل الاكتئاب.

ليه بنتحول لأشخاص مائلين للحزن؟

ياترى سألنا نفسنا إيه السبب اللي يخلي شخص كويس نفسيا يتحول لشخص مائل للحزن؟

ده يرجع لعدة أسباب منها:

1- اكتسب الحزن من قعدته مع ناس محبطين وطاقتهم سلبية.

2- بيفكر كتير في المشاكل ومش بيفضي دماغه.

3- بينشغل بظروف غيره ويقارن نفسه بغيره كتير.

4- فقدان عزيز عليه خلاه يشيل هم بدري.

5- كثرة النقد تجاهه خلته يفقد جزء من ثقته بنفسه ويميل للانطواء والحزن والبعد عن الاجتماعيات والناس.

إزاي تشيل نفسك من حالة القلق والحزن المكتسب؟

1- بلاش تقعد مع السلبيين.

2- ادعم نفسك واعمل حاجة بتحبها وترضي ربنا.

3- العب مع أطفال حيبعدوك عن الأحزان.

4- بلاش تفكر في مشاكل انتهت وتعيد إحيائها وكأنك لسه فيها، تجنبا لإحياء مشاعر سلبية خاصة بها وتناسى.

5- اقرأ قصص طفلية وميكي وكرتون أطفال ولعبة أطفال كل فترة عشان تفضي دماغك وتفرغ طاقتك السلبية.

6- متفكرش في مشاكل قبل النوم ومتتكلمش في مشاكل قبل النوم أو أثناء الأكل.

7- اتفسح في مكان بتحبه مع حد بتعزه عشان يبقى مخرج لأحزانك.

8- ممكن تتابع برامج كوميدية مهذبة أو مسلسلات خفيفة ملائمة تخفف قلقك.

9- بلاش تسمع لمشاكل كتير و متتفرجش على مسلسلات بها مشاكل عشان مطبقهاش على نفسك وتقارن، ومفيش مشكلة من الاستماع لموسيقى تفرحك تخرجك من حزنك.

10- متقارنش نفسك بحد، ربنا ليه حكمة في توزيع رزقه.

11- اعزم نفسك على وجبة بتحبها كل فترة وفرح نفسك، أو حضرها في البيت كنوع من التغيير والبعد عن الروتين.

12- يمكنك تفريغ طاقتك في أنشطة تفضلها زي الرياضية أو الفنية.

13- انصت للقرآن الكريم حيريح بالك وأعصابك والجأ لربك في حل مشاكلك حيحلها لك.

اقرأ أيضاًيحسن المزاج.. الخدمات الصحية البريطانية تختبر جهاز جديد يعالج الاكتئاب

أستاذ طب نفسي: غالبية الأشخاص يتعرضون لاضطراب الاكتئاب مع دخول الشتاء

متخصص في شؤون التكنولوجيا: الإنترنت يصيب الأطفال بالقلق والاكتئاب