الاقتصاد المصري علي موعد مع التاريخ، وده هيكون مرهون بحاجة واحدة بس لو حصلت في حاجات كتيرة هتتغير في الاقتصاد المصري.. ياتري ابو هيا الحاجة دي.. وآية تأثيرها علي معدلات تقدم الاقتصاد المصري.
ما يقرب من سنتين حاليا والاقتصاد المصري علي الرغم من النجاحات الكبيرة اللي حققها والتطور اللي حصل له في كل المجالات خصوصا مجالات جذب الاستثمارات الأجنبية من الخارج والتحسن اللي حصل في سعر صرف الجنية المصري قدام الدولار، الا أنه كان مرشح يكون في مكانة افضل مكانه وايرادات افضل من اللي اتحققت بكتير.
في الوقت الحالي وتحديدا من اكتوبر 2023 ومنطقة الشرق الأوسط بتمر بتحديات وتوترات غير مسبوقة أثرت بدرجة كبيرة علي مصادر الدخل الدولاري لمصر من الخارج، خصوصا إيرادات أهم مصدر للدخل الدولاري لمصر وهيا قناة السويس واللي إيراداتها حاليا في اقل مراحلها، ووصلت خسائرها لأكثر من 70% من الأرقام اللي كانت القناة بتحققها في السنين اللي فاتت، وده بسبب الاضطرابات اللي موجودة في خط الملاحة في البحر الاحمر.
الخسائر اللي حققتها قناة السويس واللي كانت مرشحة أنها تضاعفت إيراداتها، خصوصا بعد عمليات التطوير الكبيرة اللي قامت بيها الدولة لتطوير المجري الملاحي علي طول خطة القناة، والخدمات اللوجستية والملاحية اللي بقت موجودة لخدمة السفن والناقلات اللي بتمر بالقناة، للاسف تراجعت بأرقام كبيرة ووصلت خسائر مصر بالأرقام لأكثر من 7 مليار دولار سنويا، وده بسبب ان في ضربات عسكرية بتنفذها عدد من القوي علي بعض السفن في البحر الاحمر، وبالتالي اغلب شركات الشحن العالمية فضلت المحافظة علي سفنها وعلي البضائع اللي موجودة معاهم ولجاولوا لاستخدام طريق رأس الرجاء الصالح للملاحة.
في قطاعات تانية كتيرة برضوا تأثرت بشكل التوترات اللي حصلت في منطقة الشرق الأوسط زي قطاع السياحة واللي كان مرشح أنه إيراداته تعدي ارقام كبيرة في الناتج القومي المصري، خصوصا بعد عمليات التطوير الكبيرة اللي قامت بيها الدولة لتطوير التجربة السياحية والتوسع في إنشاء المتاحف الأثرية وتسهيل الزيارة للوفود السياحية وربط المواقع الأثرية في المحافظات مع السياحة الشاطئية، واستنساخ أنواع جديدة من السياحة مكانتش موجودة في مصر قبل كده زي السياحة الصحية والترفيهية وسياحة المؤتمرات وسياحة اليخوت والسياحة الصحراوية وغيرها من انواع السياحة اللي بقت مشهورة وعليها اقبال كبير من كل الزائرين حوالين العالم.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
