ياسمين عز . في تعليق مثير للجدل يحمل نبرة حادة وساخرة ردّت الإعلامية على الشامتين في تراجع نتائج النادي الأهلي، وذلك خلال تقديمها حلقة من برنامجها “كلام الناس” المذاع عبر قناة MBC مصر.
“ياسمين عز بلاش استظراف على الأهلي”
بدأت عز حديثها بالتصدي لما وصفته بالسخرية الزائدة عن الحد من نتائج الفريق، قائلة:
“بلاش إستظراف على الأهلى ، اللى بيقولوا عاوزين شاشة موبايل طويلة علشان نشوف ترتيب الأهلى .”
وتابعت بتعليق ساخر آخر من بعض التعليقات المتداولة على مواقع التواصل الاجتماعي:
“واللي يقول مافيش حد يغطس يا جماعة علشان يشوف لنا ترتيب الأهلي… أرجوكم بعد إذنكم، ما تنسوش نفسكم.”
“فاكرين آخر مرة أخدتوا الدوري؟”
لم تكتفِ الإعلامية عز بالرد الساخر، بل استعادت الماضي لتُذكر جمهور الفرق المنافسة بتاريخهم، فقالت:
“انتوا آخر مرة أخدتوا الدوري كان جرام الدهب بـ700 جنيه.”
وأضافت بإشارة لبطولة دوري أبطال إفريقيا:
“وآخر مرة أخدتوا بطولة أفريقيا كانت سنة 2002، وقتها كان إمام عاشور عنده 4 سنين، وزيزو كان في كي جي تو.”
“ياسمين عز الأهلي راجع… وخلوا قلوبكم بيضة”
رغم انتقادها للشامتين، حاولت عز إنهاء حديثها بنبرة تصالحية إلى حدٍ ما، حيث قالت:
“مفيش مانع تفرحوا يومين علشان الأهلي راجع وهياخد الدورى.”
وأضافت مشيرة إلى أن الأمور في عالم الكرة لا تُحسم بالدعوات:
“وإنتوا إن شاء الله يا رب تحصلوا المركز التاني، أو ما تحصلهوش… كلها أقدار مش بدعوتي ولا دعوتكم، ممكن ياخده بيراميدز الله أعلم.”
وختمت بدعوة لروح رياضية عالية وصفاء نية:
“المهم نخلي قلوبنا بيضه زي الفانلات البيضه اللي إحنا ممكن نلبسها، دايمًا يكون فيه صفاء نية ونحب الخير لأخواتنا وزمايلنا، مش كده؟”
