أسعار السلع في مصر بدأت تنزل وفي إنخفاض حقيقي في الأسعار مش كلام وخلاص زي ما كان بيحصل قبل كده .. ياتري اية سعر انخفاض أسعار السلع في مصر.. ومعدلات الانخفاض في الأسعار وصلت لكام.
من وقت للتاني الحكومة وبتكليفات رئاسية مباشرة من الرئيس عبدالفتاح السيسي بتحصل اجتماعات مع المستوردين والشعب التجارية في مصر، علشان تناقش الأسعار في مصر، وده رئيس مجلس الوزراء بنفسه هو اللي بيعمل الاجتماعات وبيكون في مطالب لخفض أسعار السلع بأرقام حقيقية.
الاجتماعات اللي بيعملها رئيس مجلس الوزراء مع المستوردين والشعب التجارية بيكون في متابعة حقيقية عليها لخفض أسعار السلع، ورئيس مجلس الوزراء بينزل في جولات ميدانية علشان يراقب الأسعار وده اللي أكده في اجتماع حصل مع المستوردين والشعب لما قال لهم ازعا عايز اشوف انخفاض حقيقي من الاسعار مش كلام علي ورق، خصوصا انا لما انزل اشتري حاجة بلاقي الأسعار مرتفعة ومفيش اي انخفاضات ولو حصلت انخفاض بيكون في القاهرة والجيزة بس والمحافظات مفيش حاجة.
" title="تخفيضات بتوصل ل 20% .. شوف الحكومة عملت اية علشان تخفض اسعار السلع والمنتجات للمواطن" frameborder="0">
طيب إزاي الحكومة هتخفض أسعار السلع في مصر ؟.
من كام يوم ريس مجلس الوزراء عقد اجتماع جديد مع المستوردين والشعب التجارية علشان يناقشوا أسعار السلع في مصر، ورئيس مجلس الوزراء ناقش معاهم اسباب إستمرار السلع في مصر خصوصا أن أسعار الصرف في مصر مستقرة من فترات بعيدة ومفيش اي حاجة تستدعي استمرار ارتفاع أسعار السلع في مصر.
اجتماع رئيس مجلس الوزراء مع المستثمرين ناقش كمان الخطوات اللي لازم تتاخذ علشان يحصل انخفاض حقيقي في الأسعار، والمستورين والشعب وعدت أنه هيكون في انخفاض في الأسعار مش اقل من نسبة 20%.
رئيس مجلس الوزراء في اجتماعه مع المستوردين والشعب التجارية قالهم مش هيمهه أنه يحصل انخفاض في سعر الدولار بقدر ما يهمه ان يكون في انخفاض في أسعار السلع بشكل كويس، وإصدر توجيهات مباشرة للحكومة للتوسع في مبادرة بيع السلع الغذائية في كل محافظات الجمهورية وكمان تكون فيها كل السلع الغذائية اللي المواطن بيحتاجها.
الجديد أن المبادرات اللي صدرت توجيهات بتنظيمها مش هتتضمن سلع غذائية بس لا ده كمان هتتضمن أجهزة كهربائية وهتشارك فيها شركات فريش وكاريير وتوشيبا، وهيقدموا تخفيضات كويسة علي الأسعار لبعض المنتجات.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
