مصر بتعمل ايه في ملف الصناعة وليه هو الملف المصيري للدولة المصرية وليه حكومات ما قبل عهد السيسي مقدرتش تعمل حاجة قوية في الملف دا.. وايه حكاية المناطق الصناعية الجديدة.. وليه السيسي بيتابعها على مدار الساعة.
عمرك سألت عن سر احتفاظ الصين وأوروبا والولايات المتحدة بقوتهم الاقتصادية على مدار السنين وليه دائما معندهمش مشاكل اقتصادية والحكومات هناك بتوفر ليهم مستوى معيشة كبير وليه الدول دي معندناش أزمات عملة أو دولة أو نقص في الموارد أو الأسعار فيها بتزيد دائما.. كل دا حضرتك السر فيه هي الصناعة المحلية.. ايوا الدول الغنية قائمة اساسا على فكرة الصناعة الضخمة وعشان كده سموها الدول الصناعية الكبرى في العالم..يعني اللي عنده صناعة قوية وتقدر تنافس مش هيكون عنده مشاكل اقتصادية تقريبا لأنه هيكون عنده موارد دولارية ضخمة وفي نفس الوقت معندهوش بطالة والاقتصاد منتعش بشكل عام.
عشان كده بتلاقي صراع مستمر في مراكز البحوث العلمية الخاصة في الدول دي علشان تطوير الصناعات بشكل مستمر ضمن التنافس الدولي وشفنا حجم التطور السريع في الصناعات لأن مش مشكلة يكون عندك صناعة لكن الاهم انك تطورها دايما وتواكب روح التطور باستمرار عشان منتجاتك يكون ليها مكان في السوق..
وعالميا شكلت الصناعة أكتر من خُمس الاقتصاد العالمي 21.4% من الناتج المحلي الإجمالي العالمي في 2022 واستحوذ التصنيع على الجزء الأكبر من ناتج قطاع الصناعة في نفس العام بنسبة 78.5% وهو ما يعادل 15 تريليون دولار.. يعني نقدر نقول إن اقتصاد العالم كله بيقوم على الصناعة في كل المجالات والقطاعات الاقتصادية..
طيب دا حولين العالم ايه الوضع بالنسبة للصناعة في مصر دلوقتي؟
من غير مبالغة لأن الناس بتشوف كل الانجازات واللي بتنتشر بالتفاصيل والأرقام أن الصناعة في مصر بتعيش نقطة تحول جذرية من صناعات متفىقة وضعيفة في الكيف والكم في حكومات ما قبل قدوم الرئيس السيسي واللي اعتمدت على قصر النظر والتعامل مع ملف الصناعة على انه نوع من أنواع الترفيه الاقتصادي واتحججت بأن الصناعة حكر على الغرب لكن كل دا اتغير مع تولي الرئيس السيسي المسؤولية وبدأت مصر عالم الصناعة العالمي بخطط طموحة وواضحة وشفافة من حيث الكيف والكم .. ولاول مصر تدخل مجال الصناعات المتقدمة والمعقدة واللي وصلت لدرجة تصنيع الاقمار الصناعيه المتطورة ووسائل الاتصال ولغاية صناعة السفن الكبرى واجزاء من الطائرات المتقدمة والهواتف الذكية بجانب الصناعات التقليدية.
السيسي بدأ توطين الصناعة وجذب استثمارات ضخمة ليها عن طريق بناء أكبر شبكة بنية أساسية متكاملة في تاريخ مصر ودي كانت العقبة الأساسية قدام اي تطور اقتصادي في مصر واخترعت مصر نظام المناطق الصناعية والاقتصادية الخاصة او حضانات الصناعة ودي عبارة عن مناطق خاصة محددة المساحة الدولة بتوفر فيها كل الإمكانيات عشان الشركات تصنع بسهولة ومصر عملت ولسه بتعمل مناطق ومدن صناعية شاملة ووصلت ل177 مدينة ومنطقة خشب اخر إحصائية رسمية في مختلف الصناعات والمدن الصناعية الخاصة دي فكرة عالمية وأثبتت نجاحها واللي بتساعد على تقليل حواجز دخول الشركات الصغيرة إلى السوق والتغلب على عوائق السوق والنظام المؤسسي اللي بتعوق وصول الشركات إلى المعلومات والتكنولوجيا الجديدة والتمويل بجانب جذب عدد كبير من العمال من مناطق مختلفة داخل الدولة وبالتالي تعزيز عملية إعادة توزيع السكان المحليين وتسهيل التحضر.
مصر جت في الترتيب الـ67 من بين 153 دولة في مؤشر الأداء التنافسي الصناعي الصادر عن الأمم المتحدة للتنمية الصناعية واللي بيهدف إلى تقييم وقياس القدرة التنافسية الصناعية للاقتصادات من خلال 3 أبعاد رئيسة وهى القدرة على انتاج وتصدير البضائع المصنعة والارتقاء التكنولوجي والتأثير العالمي.. وحسب نتائج المؤشرات الفرعية لمؤشر الأداء التنافسي الصناعي جت مصر من أفضل الدول أداء في مؤشري القيمة المضافة للتصنيع وكذلك مؤشرات الصادرات الصناعية.
المفاجأة أن التقرير الدولي قال إلى المدن والمناطق الصناعية والتنمية الصناعية في ضوء رؤية مصر 2030 بتستهدف تحويل الهياكل الاقتصادية المحلية إلى صناعات أكثر حداثة وتنوع وكيانات اقتصادية ضخمة وهتوفر موارد ضخمة من النقد الأجنبي.. يعني هنصنع الدولار زي مقال كامل الوزير.. يعني ببساطة مصر حطت قدم في نادي الكبار للصناعة العالمية وقريب جدا هتكون رقم مهم جدا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
