مصر في الوقت الحالي بتحاول تكرر تجربة راس الحكمة في مناطق كتيرة في مصر.. ياتري ازاي الاقتصاد المصري هيستفاد من النوع ده من المشروعات.. واية ابرز القطاعات اللي هتسفاد منه مستقبلا.
في الفترة اللي فاتت وتحديدا فبراير 2024 الحكومة وقعت عقود صفقة من اكبر وافضل الصفقات الاقتصادية اللي وقعتها مصر يمكن في فترة حكمها كله، وده بسبب أنها حولت مصر اقتصاديا من فترة الدولة بتعاني فيها من نقص شديد في العملات الأجنبية وخصوصا الدولار لدولة مستقرة اقتصاديا وقادرة علي سداد التزماتها الخارجية، وكمان دولة العملات الأجنبية عندها متوفرة وموجودة قدام الموردين والمستثمرين علشان عمليات الاستيراد والتصدير ودولة معندهاش اي مشاكل في السيولة النقدية الأجنبية .
بعد النجاج الكبيرة اللي حققه مصر في راس الحكمة والفايدة المالية اللي دخلت لمصر منه خصوصا أن ايراداته المباشرة وصلت لـ35 مليار دولار دخلت البنوك كايرادات مباشرة وحل اغلب مشاكلنا الدولارية، فالحكومة حاليا بتحاول تكرر التجربة في أكثر من مكان زي رأس جميلة ورأس بناس، وغيرها من المناطق واللي هيوصل عددهم لأكثر من 5 مناطق وفقا للرقم اللي أعلنه الدكتور مصطفي مدبولي رئيس مجلس الوزراء.. وفيه مفاوضات ومناقشات مع دول عربية شقيقة زي السعودية وقطر والكويت لتنفيذ مشروعات ضخمة على غرار رأس الحكمة.
طيب اية الفايدة التانية اللي هترجع علي مصر من النوع ده من المشروعات ؟.
النوع ده من المشروعات زي راس الحكمة زي ما دخل لمصر موارد دولارية كبيرة ، برضوا هيكون سبب رئيسي في تحول كامل مصر اقتصاديا بشكل كامل وده لأكثر من سبب أولهم أنه هيوفر عدد كبير من فرص العمل المباشرة وغير المباشرة للمصريين دولوقتي في فترة بناء المشروع وبعد اكتماله، ده غير أنه هيكون سبب اساسي في تعزيز مكانة مصر علي الخريطة السياحية، خصوصا أن النوع ده من المشروعات بيكون التقسيم بتاعه الاساسي قايم علي انشاء فنادق وقري سياحية معينة مخصصة لاستقبال الوفود السياحية من كل دول العالم، وبالتالي هيساعد مصر في الوصول لحلمها النهائي وتحقيق 30 مليون سائح وتحقيق 30 مليار دولار كايرادات من القطاع في 2028، ده غير أن هيحول مصر لمركز اقليمي قادر علي جذب كل انواع الاستثمار وده الهدف الاساسي اللي الحكومة بتحاول توصله له بتحويل مصر لدولة جاذبة للمستثمرين ورؤوس الاموال الأجنبية من كل دول العالم.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
