فيه حملة ممنهجة ضدى خلال الفترة الأخيرة عشان الانتخابات اللى جاية ...وخاصة بعد تحركاتى الرقابية الكبيرة بملف البنزين المغشوش وملف الصحة وغيرها
الحمد لله والكل عارف عندنا بدل العربية عشرة ..وفيهم 4 مكتوبين باسمى ضمن الذمة المالية المقدمة للبرلمان ...فالقصة مش عربية معاقين معايا أو غيره رغم أنها فكه حظر من قبل الواقع دى بسنة ونص
أنا شارى العربية اللى كانت معايا في الفيديو قبل المجلس بسنة ونص ..ولو إفترضنا إنها عربية معاقين ..دورك أنك تحسب الغرامة أى كانت وتطلب دفعها .. مش تصور صاحب العربية وتوقفه وسط ناسه بالشكل ده
«الفيديو ده من سنة ونص .. وكنت ماشى فى آمان الله ولقيت مجموعة غريبة بتوقفنى فركنت وبسألهم أنتم مين .. فتفاجأت ردهم أنهم لجنة من لجان عربات المعاقين»
«استغربت من الشكل العام.. مجموعه بتوقفك وسط أهلك وناسك ..وفيه حد بيصورك...فكان ده سرغضبى فى الفيديو وقولت لهم لجنه إيه اللى تصور الناس بالشكل ده إقفل لو سمحت»
«قولت لهم العربية فكه حظر من سنة ونص..وعيب تمشى ورا الناس توقفهم بالشكل ده ..وأنا نائب الدائرة وسط أهلى وناسى..والموضوع انتهى ساعتها مش عارف ليه طلع دلوقتى..أكيد عشان الانتخابات»
تحدث النائب محمد الجبلاوى لـ تحيا مصر عن فيديو«إزاى توقفنى أنا نائب الدائرة»، مؤكدا على أن هذا الفيديو من أكثر من عام ونص ولكنه تفاجأ خلال الفترة الأخيرة بإعادة نشره مرة أخرى، مشيرا إلى أن السبب واضح للجميع وهو مرتبط بالانتخابات القادمة.
وأكد على أنه في أحد الأيام كان يسير بسياراته في محافظته وداخل دائرته الانتخابية تفاجأ بمجموعة من الأفراد يستوقفونه بزعم أنهم لجنة من لجان الحكومة بشأن عربيات وسيارات المعاقين وفى نفس الوقت يقومون بتصويره فكان سر غضبه الذى ظهر في الفيديو، مشيرا إلى أن السيارة عليها الأرقام ويستطيع أن يكشف عليها ويعرف كل تفاصيلها حتى ولو كانت سيارة معاقين كان يستطيع تحرير الغرامة بكل سهولة ويتم دفعه حتى لو وصلت لـ 400 ألف جنيه.
ولفت إلى أن هذه السيارة معى من قبل المجلس بسنة ونصف وفكت حظر أيضا مشيرا إلى أن نشر الفيديو مرة أخرى رغم أنه لم يتم نشره في حينها ما هى إلا محاولة للنيل منى في ضوء ما أقوم به من تحركات رقابية كبيرة خلال الفترة الأخيرة، مؤكدا على أن الكل يعلم وشاهد على العربيات لدى قائلا:" بدل العربية عشرة".
