" شاغل دماغة بحاجات ملهاش لازمة".. شوبير يوجه رسالة قاسية لـ محمد صبحي حارس الزمالك

علق الإعلامي أحمد شوبير، عن رسالة محمد صبحي حارس مرمي نادي الزمالك، غامضه عبر مواقع التواصل الإجتماعي.

تحيا مصر، وقال شوبير خلال برنامجه الإذاعي:" محمد صبحي حارس الزمالك كان نزل رسالة على مواقع التواصل الإجتماعي، أنا بقول ليه يا عم صبحي والله العظيم أنت حارس موهوب بس شاغل دماغة بحاجات ملهاش لازمة، أنت مدخل نفسك فى حاجات وترد علي ده عمل وده سوي أي".

وتابع شوبير قائلاً:" أنا فاهم كويس محمد صبحي كان بيوجه الرسالة دي لمين، بس أنت عندك موسم طويل ركز فيه واتمرن، وعشان تروح المنتخب".

وأردف شوبير قائلاً:" بقول ليه يابني فيه أي أنت من أربع سنين كنت الحارس الأساسي لمنتخب مصر، أنت ليه مصمم تضيع على نفسك كل الفرص عندك موهبة وسنك صغير، هما الكلمتين اللي كتبتهم على الإنستجرام وجعينك أوي كده، ما تسكت".

وأكمل شوبير قائلاً:" كل واحد زعلان من حد يروح يكتب كلام مش ملهوش لازمة ومش هيفيد بحاجة، اللي أنا أعرفة أن صبحي عنده عرض محلي ولكن فيه كلام اتردد إن أحد الأندية السعودية يرغب في ضمه بس مفيش أي شئ رسمي".

رسالة محمد صبحي عبر إنستجرام

وكتب محمد صبحي عبر حسابه الرسمي" إنستجرام":"  مستسغربش لما تلاقي حد كارهك وانت معملتش معاه أي حاجة وحشة، نفوس الناس مش زي بعضها، وفيه قلوب كتير حوالينا ماليها والحقد والغل فى مش كل الناس هتحبك وتتمنالك الخير".

وتابع صبحي قائلاً:" مهما قدمتلهم حاجات حلوة مهما كان قلبك أبيض وبتحب الخير للكل هتتشاف وحش فى عيون ناس كتير، مهما كانت تصرفاتك تلقائيه وطبيعية".

وأردف قائلاً:" ناس كتير هتشوفها مقصوده ومدروسة، حتي جدعنتك اللي بالفطره هتتحسب منظره وحب للظهور مش كل الناس هتكون حبه تعرفك على حقيقتك ولا كل الناس هاتشوك زي ما أنت ناس كتير جداً بيشفوك بطباعهم وسواد قلوبهم بقينا فى زمن العجائب فى توقيع  الغير متوقع أمشي زي ما أنت وزي ما أنت وزي ما أنت اتربيت".

وأختتم قائلاً:" ماتستناش الخير من حد واياك تعافر عشان تثبت لحد إنك كويس ومش مهم أبداً تكون عند الناس إيه،ولا هما بصينلك إزاي لينا رب هو اللي عارفنا،وشايف قلوبنا وعارف نوايانا وهو ده بس الهم مش البشر أبداً".