عبر وائل رياض شيتوس لاعب النادي الأهلي ومنتخب مصر السابق على حسابة الرسمي “فيسبوك”، عن غضبه الشديد بسبب منع الأندية دخول اولياء الأمور “بالجلاليب”.
وقال شيتوس"لازم الأندية تناقش في لوائحها الداخلية موضوع منع دخول النادي ( بالجلابية ) ، يعني إيه أمنع ولي أمر من مشاهدة إبنه و تشجيعه لمجرد إنه لابس ( جلابية ) ومش مسموح إنه يدخل النادي بيها "
وأضاف “إنت ممكن كنادي تقوله إنت مسموح لك الدخول في حدود الملعب فقط و إن كنت أنا ضد ده كمان”
وواصل" الجلابية مش وصمة عار ولا شئ مهين ولا لبس خليع ، ده تراثنا ولبس أجدادنا و أهالينا وأصولنا كلنا من الأرياف والصعيد محدش فينا قاهري ابن قاهري ابن قاهري لازم هتلاقي في عيلتك حد يا فلاح يا صعيدي و دي حاجة بنتشرف بيها ، منجيش علي راجل غلبان جاي من أخر الدنيا علشان يتفرج علي إبنه ونقوله ممنوع انت لابس جلابية ولبسك غير مناسب "
