رحل عن عالمنا منذ قليل الممثل الشاب بهاء الخطيب، وذلك بشكل مفاجئ، ليدخل الحزن في قلب عدد كبير من نجوم الوسط الفني، من بينهم الفنانة منة تسيير والفنان حسام داغر الذي أعرب عن صدمته برحيل بهاء الخطيب.
وفاة الممثل الشاب بهاء الخطيب
وكشف الفنان حسام داغر تفاصيل وفاة الممثل الشاب بهاء الخطيب، حيث كتب عبر حسابه الرسمي بموقع التواصل الاجتماعي فيسبوك في منشور رصده موقع تحيا مصر: ده لسه متكلمين انك تيجي تقعد معايا كام في اسكندريه و قلتلك هتحب قعدة بلكونتي علي البحر علطول و رجعت اقولك خلينا في الشتا هيبقي احلي الجو دلوقتي صيف و حر … خلاص لا بقه في شتا ولا صيف ولا حاجه الناس بتمشي فجاة ازاي كده لا حول ولا قوة الا بالله دموعي منشفتش من يوم تيمور و قلبي لسه موجوع تقوم تمشي فجاه انت.
وقع وهو بيلعب كورة.. تفاصيل وفاة الممثل الشاب بهاء الخطيب
وتابع حسام داغر في منشوره: يعني ايه وقع و هو بيلعب كوره مات انا عقلي هيجراله حاجه الثبات و العقل و الصبر من عندك يا رب … بهاء الجميل المحترم الطيب اعرفه من وهو في مسرح الجامعه و قبل المعهد و برضه كبر قدامي و كان ناجح في كل حاجه حتي مجاله و شغله الاساسي جمب التمثيل لو اعرف انك هتمشي فجاه كنت قابلتك و مفضلناش ناجلها ليه يا ربي الطيبين المحترمين بيمشوا فجاه لا حول ولا قوة الا بالله الصبر من عندك يا رب.
منة تيسير تنعي بهاء الخطيب
ونعت منة تيسير بهاء الخطيب، فكتبت في منشور عبر موقع فيسبوك: ايه الوجع ده كده يا صحبي تمشي كده فجاء مش مصدقه مش مستوعبه لا حول ولا قوة الا بالله يااطيب وانضف الناس اللي عرفتهم حياتي متغلاش علي اللي خلقك.. ربنا يصبر اهلك الله يرحمك ياحبيبي. لا حول ولا قوة الا بالله العلي العظيم.
أما عن المطرب محمد متولي، فكتب: يلا اتكلموا عنه قد ايه كان حلو وجميل وممثل شاطر وانسان طيب وروحه حلوة مع السلامة يا بهاء مع السلامة يا حبيبي .. ياوجع القلب اللى حل بهاء الخطيب راح لربنا.
