الفضة بقت واحدة من أهم الأوعية الادخارية وفي اقبال كبير جدا عليها كوعاء ادخاري واستثمار مهم.. ياتري اية سر اهتمام الناس بالاستثمار في الفضة.. هل سعر الفضة ممكن يرتفع لحد ما يكون نفس سعر الذهب.
الظروف الاقتصادية الحالية حولت عدد كبير من القطاعات اللي كانت مش مشهور ولا معروفة ولا في اي اهتمام بيها قبل كده تتحول لأوعية ادخارية مهمة في اقبال كبير جدا عليها زي الفضة اللي كان كل ارتباط الناس بيها خلال السنين اللي فاتت عبارة أداة للزينة، لكن دلوقتي اتحولت لواحدة من أهم الأوعية الادخارية.
طيب اية سر اهتمام وإقبال الناس علي شراء الفضة كواحد من أهم الأوعية الادخارية ؟.
في الوقت الحالي الفضة بتستخدم كأصل مادي آمن ضد التضخم وعدم الاستقرار الاقتصادي،. كمان بتوفر تنوع ضمن المحفظة الاستثمارية وبتحمى من تقلبات الأسواق المالية، ده غير أنها أقل تكلفة مقارنة بالذهب، وده خلاها خيار مناسب للمستثمرين خصوصا أصحاب رؤوس الأموال الصغيرة أو المتوسطة.
في 2025، ارتفعت أسعار الفضة بشكل كبير جدا، وده لأكثر من سبب أولهم زيادة الطلب الصناعي عليها خصوصا في محطات الطاقة الشمسية والإلكترونيات ده غير نقص المعروض منها في وقت الطلب بيرتفع عليها وحاليا في عجز محتمل علي الفضة في الأسواق العالمية هيوصل ل 149 مليون أوقية، وده مؤشر هيدعم احتمال استمرار الارتفاع في الأسعار على المدى المتوسط .
في أكثر من سبب حلوا الاستثمار في الفضة اداه من أهم أدوات الاستثمار في الوقت الحالي أولهم أنها متاحة بأسعار معقولة، وبتوفر تنويع في محفظة الاستثمار، وبتعد وعاء ادخاري أمن ضد التضخم وتقلبات الأسواق، وعليها طلب كبير في الصناعية العصرية وفي أوقات الأزمات ممكن الفضة أن تتحول كملاذ آمن.
في 2025 أسعار الفضة سجلت ارتفاع كبير في بعض الأسواق وقيمتها زادت بأكثر من 30%، يعني اللي استثمر من الفضة بداية السنة، النهاردة شايف مكاسب محترمة فعلاؤ بس برضوا زي ما لها مكاسب في بعض النقاط لازم اللي يستثمر في الفضة يأخذ باله منها خصوصا أن سعرها متقلب زي الذهب بالضبط، يعني ممكن سعرها يطلع بسرعة، وينزل بنفس السرعة، فلازم انت لو هتستثمر فيها لازم تكون واعي وشايف السوق كويس جدا وامتي تحتار الميعاد المناسب للشراء أمتي الوقت المناسب للبيع.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
