يا ترى إيه اللي بيحصل مع الدهب اليومين دول، هل الأسعار ارتفعت تعاني، طب إيه هي توقعات الأسعار في الأيام الجاية؟
في الحقيقة، الدهب اللي ناس كتير بتعتبره الملاذ الآمن اتحرك في الساعات الاخيرة، واللي متابع السوق هيلاحظ إن الأسعار بتتأرجح ما بين ارتفاع طفيف وهبوط بسيط، وده اللي خلا ناس كتير تسأل هل الوقت مناسب للشراء ولا لسه في هبوط تاني جاي؟
واقعيا، سجل سعر جرام عيار 21 واللي هو الأكثر انتشارا حوالي 4515 جنيه للبيع و4530 جنيه للشراء، وعيار 24 وصل ل 5160 جنيه للبيع، وعيار 18 سجل حوالى 3870 جنيه للبيع، أما العيار الشعبي 14 فوقف عند 3010 جنيه للبيع، وكمان الجنيه الدهب سعره وصل لحوالي 36.12 ألف جنيه.
واللي لفت الانتباه إن السعر في أول اليوم كان طالع 10 جنيه، لكنه رجع فقد 5 جنيه تاني مع استمرار التعاملات، يعني السوق في حالة تذبذب واضح.
وعلى المستوى العالمي، الأوقية وقفت عند حدود 3323 دولار للبيع، وده بيأكد ان الحركة مش محلية بس لكن مرتبطة كمان باللي بيحصل بره مصر خاصة مع ترقب المستثمرين لاجتماعات الفيدرالي الأمريكي.
ومن هنا نقدر نقول ان أسعار الدهب عالميا حققت ارتفاع قياسي في النص الأول من 2025 بنسبة 26%، ولكن المعدن الأصفر لسه عنده قوة دفع تقدر توصله لمستويات جديدة، وفي توقعات إن الأوقية توصل 3675 دولار مع نهاية السنة دي 2025، وممكن تكسر حاجز 4000 دولار في 2026.
لكن في نفس الوقت، مممكن يحصل سيناريو معاكس، زي مثلا لو التضخم العالمي هدي فجأة فالأسعار ممكن تتراجع لحد 1980 دولار للأوقية يعني حوالي 12% نزول.
والمتابعين لسوق الدهب في مصر عارفين إن أي تحرك عالمي بينعكس مباشرة عندنا، وده معناه إن قرار الشراء أو البيع مش بس مرتبط بسعر السوق المحلي لكن كمان مرتبط باللي بيجري في البورصات العالمية وسياسات البنوك المركزية.
عشات كده المحللين شايفين إن الفترة الجاية ممكن يكون فيها موجة شراء كبيرة من المستثمرين الكبار، وده ممكن يخلي الأسعار ترتفع بسرعة خاصة مع استمرار التوترات الجيوسياسية في المنطقة واللي بتخلي الدهب الخيار الآمن الأول.
كمان بعض الخبرا بينصحوا الناس العادية إنهم ما يجرواش ورا الموجة بسرعة ويخلوا الشراء تدريجي عشان يقللوا من مخاطر التذبذب الحاد، يعني يشتروا كميات صغيرة على فترات بدل ما يحطوا فلوسهم كلها مرة واحدة.
وفي النهاية نقدر نقولك ان القرار بيرجع لكل شخص حسب احتياجاته، يعني اللي عايز يحافظ على قيمة مدخراته على المدى الطويل فاالدهب بيفضل خيار آمن، لكن اللي بيدور على مكسب سريع فلازم يكون مستعد انه يتحمل المخاطر.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
