يا ترى إيه اللي حصل في سوق الدهب وخلا الأسعار تتحرك بالشكل ده، وإيه توقعات الأيام الجاية، يعني في ارتفاع ولا هبوط؟
في الحقيقة، الدهب رجع يرتفع تاني بعد ما كان نازل أول الأسبوع، والسبب الرئيسي هو إن الدولار ضعف شوية وكمان عوايد السندات الأمريكية نزلت وده خلا المستثمرين يجروا على المعدن الأصفر كملاذ آمن.
ونقدر نقول لن سعر جرام عيار 21 زاد حوالي 30 جنيه وبقى عند 4550 جنيه، وده بعد ما كان نازل مبارح ل4520 جنيه، أما الأوقية العالمية فطلعت هي كمان حوالى 27 دولار وسجلت 3342 دولار.
وبالنسبة للعيارات التانية، فعيار 24 سجل 5200 جنيه وعيار 18 وصل ل 3900 جنيه، وعيار 14 3034 جنيه أما الجنيه الدهب فوصل ل 36,400 جنيه.
ونقدر نقول ان اللي مخلي السوق كله مترقب دلوقتي هو محضر اجتماع الفيدرالي الأمريكي اللي اتعمل في يوليو، وكمان كلمة جيروم باول رئيس الفيدرالي في ندوة جاكسون هول اللي هتبدأ من 21 لحد 23 أغسطس، والكلمة دي ممكن تحدد هل الفايدة هتنزل فعلا الشهر الجاي ولا لأ.
والتوقعات دلوقتي بتقول إن في احتمال كبير ان الفايدة تتخفض ربع نقطة مئوية، بس بعض المحللين بيقولوا ممكن باول يطلع بتصريحات متشددة بعد بيانات التضخم الأخيرة.
طب إبه علاقة ده كله بالنسبة للدهب؟
ببساطة لو الفيدرالي لمح لخفض الفايدة بقوة فالدهب ممكن يكمل صعوده ويوصل لمستويات أعلى من 3350 دولار للأوقية، أما لو باول اتكلم بحدة وقال إن التضخم لسه خطر فممكن الأسعار تتراجع تاني.
وعلى المستوى المحلي، السوق المصري مرتبط باللي بيحصل عالميا لكن كمان بيتأثر بالعرض والطلب الداخلي، وده اللي بيخلي التذبذب أكبر شوية.
يعني اختصا، الأيام الجاية هتكون ساخنة جدا للدهب والأسعار هتفضل في حالة ترقب لقرارات الفيدرالي والسياسة النقدية الأمريكية، ومع التوترات الجيوسياسية حوالين أوكرانيا وروسيا فالمعدن الأصفر لسه شايفينه الملاذ الآمن الأول للمستثمرين، بس كل التوقعات رايحة على ارتفاع.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
