يا ترى إيه هي تطورات الحرب التجارية بين أمريكا والصين، هل ممكن تحصل تهدئة قريب ولا الأوضاع هتشتعل تاني، وإيه المتوقع من إجراءات ممكن تاخدها أمريكا الفترة الجاية عشان الدنيا تهدى؟
دلوقتي، حصل تطوير جديد في الحرب التجارية بين أميركا والصين، وده بعد أسابيع من شن الرئيس الأميركي دونالد ترامب صراع تجاري مع الصين اتسبب في خسائر بالمليارات للاقتصاد الأمريكي، إلا أن الوضع الحال لسه محتاج حل أو مبادرة صلح.
وخلال فترة ولاية ترامب الثانية، اتباهى الرئيس الأميركي بعلاقاته الوثيقة مع الرئيس الصيني شي جينبينغ، ووصل الموضوع لدعوته لحضور حفل تنصيبه في شهر يناير اللي فات، ولكن وبعد 100 يوم من عودته إلى السلطة، فضّل ترامب طريق المواجهة التجارية.
وبالفعل، عمل أقوى هجوم اقتصادي على الصين، عشان يحاول يحد من نفوذها، بدءا من قناة بنما ووصولا إلى غرينلاند، اللي هدد بضمها هي كمان.
نيجي بقى للجديد، فترامب خلال تصريحات له، قال إن اللي بيحصل مع الصين أكثر أهمية على المدى الطويل لمستقبل العالم، لكن رغم كل ده فرض رسوم جمركية بنسبة 145% على غالبية المنتجات الصينية اللي بتدخل أمريكا، ومن هنا ردت بكين بالمثل، وفرضت رسوم جمركية بنسبة 125% على السلع الأميركية المستوردة.
كمان، الرئيس الأمريكي أرسل إشارات متناقضة، بيقول إن الرسوم الجمركية ضد الصين ممكن تنخفض قريب جدا وده تطور جديد في الحرب التجارية، في الوقت اللي أقوى قوتين اقتصاديتنن بيأكدوا إن الحرب التجارية غير قابلة للاستمرار على المدى الطويل.
ومن المقرر أن كل من وزير المالية الأميركي ونائب رئيس الوزراء الصيني، يتقابلوا في سويسرا في الأيام الجاية، عشان كده قال دونالد ترامب إنه تحدث هاتفيا مع الزعيم الصيني عشان يهدي الدنيا ويخفض الرسوم الجمركية.
ومن هنا، نقدر نقول إن البيت الأبيض شايف أن بإمكانه حل المشاكل طالما أنه بيتفاوض مباشرة مع قادة الدول، ومع ذلك فمن غير المؤكد أن ترامب يكون عنده استراتيجية صينية مدروسة.
عندك كمان، السياسة اللي بينتهجها ترامب حاليا بتسمح للصين بأنها تقدم نفسها كقوة جيوسياسية أكتر استقرارا من القوة العظمى الأولى في العالم، ورغم كده متوقع إن تحصل تهدئة خلال الفترة الجاية بين أمريكا والصين، ومعاها الاقتصاد العالمي ياخد نفس عميق.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
