"فضيحة ألبوم عمرو دياب".. أنوسة كوته بفيديو جديد تتهم الهضبة بسرقة ألحان محمد رحيم

أثارت أنوسة كوتة مدربة الأسود وزوجة الملحن الراحل محمد رحيم الجدل حول سرقة أغنية "قمر" من ألبوم عمرو دياب موضحه أنها من  لحن الراحل محمد رحيم من أغنية "كلمة مصر".

ألبوم عمرو دياب

وظهرت بفيديو بعنوان فضيحة ألبوم عمرو دياب 2025، أغنية قمر، ألحان محمد رحيم، مما دفع محبي الهضبة للدفاع عنه وانهالت التعليقات موضحين أنه لا يوجد تشابه في الألحان.

وقالت أنوسة كوته في الفيديو المنشور عبر حسابها الرسمي على موقع التواصل الاجتماعي فيس بوك: "النهاردة فيديو مختلف شوية، كنت بسمع ألبوم عمرو دياب الجديد "ابتدينا"، وفي أغنيه شدتني "شايف قمر" وتحديدا مقطع "قمر قمر أنا شايف قمر قدامي قمر".

وقامت بتشغيل أغنية من لحن لمحمد رحيم "كلمة مصر"، وقالت: سامحوني على صوتي، بس عايزني نسمع حته صغيرة كدة من لحن لمحمد رحيم للأبنودي لغنوة اسمها "كلمة مصر"، قولت أمسي علي الناس واقولهم مبروك بطريقتي، أو بطريقه محمد رحيم ومبروك ع الألبوم بس يعني مش أوي كده".

وتابعت: "هو طول عمره علامة مش مشكلة بس الأيام الجايه في أغنيه جايه هقولها برضه بألبوم عمرو دياب وموضوع تالت كمان، بس خلينا النهاردة كدة بنمسي عليكوا".

" title="YouTube video player" frameborder="0">

" title="YouTube video player" frameborder="0">

وفي فيديو أخر، كانت ظهرت به مع الناقد الفني أكرم ناجي تحت عنوان "عمرو دياب .. بيلمح النسمة".

وقال أكرم ناجي: "من ضمن الحلقات كان معايا هاني يعقوب، كلمته في الألبوم ده، قلتله في أغنية متخيلتش اللي عمل التوزيع ده مصري، اسمها يا هلالا، غنتها شيرين وجدي في نفس الألبوم قبل بحبك علطول، وعلقت "كوته": "أنت حافظ رصت الأغاني أنت شاطر".

وتابع: "دي من ألحان رضا الهمشري وقالي أنت عارف أن الأغنية دي سبب شغلي مع عمرو دياب، عمرو دياب خد باله منها وبالتالي هو عمل التراك ده".

وعلقت كوته "بقولك اي عمرو دياب بياخد باله من كل حاجة، أنا قصادي كان رحيم تليفونه، ألو مين هضبة أزيك عامل اي، يقعد يكلمه في لحن كلمة اللي عملها لا لا، بياخد باله من تفاصيله التفاصيل، وعلى فكرة بيسمع الناس كلها، ممكن يكون مصدر صورة أنا مش شايف حد، بس هو حقيقي بيسمع الناس كلها، ودي شطارة شطارة جدا".

وعقب ناجي: "أنا متخيلتش ده لحد دلوقتي متابع، مين بيغني مين بينزل اي، مين على السوشيال مين بيقول رايه مين بيدافع مين بيهاجم عمرو دياب مدرسة ومؤسسة".