علق الفنان أحمد السقا على الأزمات التي مر بها الفترة الأخيرة وذلك خلال لقائه مع الإعلامي عمرو أديب حيث تحدث الأخير عن السقا مؤكدًا أنه لم يصدق أية أقاويل عنه بل يكذب أي اتهامات موجهة له.
عمرو أديب لأحمد السقا: تفتكر في حد قاصد يشوهك؟ والأخير يرد
وجه الإعلامي عمرو أديب سؤالًا إلى الفنان أحمد السقا خلال حلوله ضيفًا على برنامج الحكاية، وكان السؤال يتعلق بأزمات أحمد السقا الأخيرة خاصةً بعد الطلاق والاتهامات التي وجهت له وجعلته حديث السوشيال ميديا، وقال عمرو أديب: أي حد يقولي عنك حاجة مبصدقهاش وأي حاجة سمعتها الفترة اللي فاتت مصدقتهاش وبقول أحمد ده جينتل مان، تفتكر في حد قاصد يشوهك؟
و رد أحمد السقا وفقًا لما يرصده موقع تحيا مصر: عشان أنا متربي في بيتكوا يا أستاذ عمرو.. وانا ليا أخطائي بس عندي حدود مبعديهاش ومبحبش أفترض عدوات مع حد ربنا موجود وشايف لكن أنا معرفش ايه اللي بيحصل
أحمد فهمي عن أحمد السقا: طفل صغير وأطيب قلب
أما الفنان أحمد فهمي تحدث عن السقا وعن الشائعات المنتشرة عنه مؤخرًا، وقال: “أحمد السقا طفل صغير أطيب إنسان عرفته في حياتي كل الشقلبة والأكشن والوش ده في الحقيقة مفيش وأنا بكبر دماغي من السوشيال ميديا لكن السقا بيفضل يفكر ويسأل لو في حد زعله لكن أنا بالنسبالي طالما انت إنسان مش مؤذي وبتعمل شغلك صح ومفيش حد عملتله حاجة وحشة يبقى خلاص مبيفرقش معايا حاجه”.
أحمد السقا عن أحمد فهمي: عشوائي وانا حاولت اظبطله حياته
بينما تطرق السقا خلال اللقاء وتحدث أحمد السقا عن أحمد فهمي وعن كواليس تعاونهم في فيلم أحمد وأحمد الذي يعرض حاليًا في السينمات: فهميغلبني في الأول هو عشوائي جدا وبُهيمي انا مبعرفش انام غير بليل واصحى بالنهار ده ممكن يبدأ ينام 1 الضهر واخد سكينة في رقبته ومش دريان وانا عملت كل وسائل الازعاج مبيصحاش، كان محتاج تعديل سلوك أنا قرأت معلومات وعملتله تعديل سلوك وجبتله دكتور تحاليل وكمية الأدوية اللي بياخدها دي بتاعت واحد خلصان مش موجود في الحياة روحتله مرة لقيته سهران في مكان وكلمته قولتله هتنزل بكرامتك ولا اطلع اجيبك الاقيه دقيقة ونزل".
