لو كنت مستني الفرصة علشان تشتري فراخ من غير ما الميزانية تصرخ..
الفرصة جاية دلوقتي، لأن أسعار الدواجن نازلة والناس بتقول: الحق قبل ما تعلى.
النهاردة، أسعار الدواجن بكل أنواعها نزلت بشكل واضح.
الفراخ البيضاء وصلت في البورصة لـ61 جنيه، وعند المستهلك بـ71 لـ76 جنيه للكيلو.
والبانيه اللي كنا بنشوفه بـ200 جنيه وأكتر دلوقتي بـ160 جنيه بس، وفي أماكن بـ180. والأوراك بقت بـ70 لـ90 جنيه، والأجنحة بـ50 جنيه بس.
ليه الأسعار نزلت؟
ببساطة: الإقبال قل، العلف رخص شوية، والمدارس قربت، فالاستهلاك بيقل. ده غير إن الإنتاج المحلي بقى يغطي 95% من احتياجاتنا!"
بس خد بالك.. الأسعار دي مربوطة بالدولار والعلف المستورد، يعني أي تغيير فيهم هيرفع السوق تاني بسرعة.
دلوقتي السوق مستقر.. فلو ناوي تشتري دواجن أو تخزن شوية بانيه.. الوقت ده هو المناسب.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
