في أزمة كبيرة موجودة في مصر في سوق العقارات.. ياتري اية هيا الأزمة دي وازاي مصر بتتخلص منها.. وآية تأثيرها علي الاقتصاد المصري.
في أزمة كبيرة سوق العقارات في مصر بيعاني منها من فترة طويلة وهيا الفقاعة العقارية ودي معانا أن العقارات المعروضة للبيع سعرها اعلي بكتير من سعرها الرسمي والسبب الرئيسي في الأزمة هيا الهجوم الكبير اللي حصل من الناس علي سوق العقارات في مصر خلال السنين اللي فاتت باعتبار أن العقارات واحدة من الأوعية الادخارية المهمة.
الهجوم الكبير من الناس الي سوق العقارات خلال الفترات اللي فاتت خلي في رواج كبير في سوق العقارات، وده رفع الأسعار بنسبة محدودة، ومع التغيرات المتتالية لأسعار صرف الجنيه المصري قدام العملات الأجنبية، خلت كل اللي اشتري عقار يحط علي سعره ارقام كبيرة لو جه يعرضه للبيع لدرجة أن الزيادات الموجودة علي أسعار العقارات دلوقتي بتوصل لـ 200 و 300% عن سعرها الحقيقي في حالة تقييمها كبيع وشراء.
طيب اية الخطط اللي بتقدمها الدولة والمطورين العقاريين لحل أزمة الفقاعة العقارية في مصر ؟
في الوقت الحالي سوق العقارات في مصر في حالة كبيرة من الركود، وفي ضعف اقبال كبير جدا من المواطنين علي شراء العقارات، وده اجبر المطورين العقاريين علي طرح تخفيضات كبيرة في الأسعار بهدف زيادة البيع، وده جاب نتيجة كويسة بس مش هيا المطلوبة خصوصا أن المعروض في السوق كتير جدا، ده غير أن الأسعار الموجودة بتناسب شرائح محدودة من الناس.
المطورين العقاريين كملوا عرضهم لزيادة حركة البيع والشراء في سوق العقارات، وبدوا يطرحوا أنظمة جديدة للسداد، واحدة من الأنظمة اللي ظهرت وانتشرت بسكب كبير جدا هيا انظمة السداد طويلة الأجل، وفي الوقت الحالي بقينا بنشوف طروحات لبيع العقارات بأنظمة سداد بتوصل لـ 15 و 20 سنة، وده مكناش في السنين اللي فاتت، والخطوة دي الهدف منها هو زيادة وجذب أكبر شريحة من الناس لشراء العقارات.
في نقطة مهمة كمان بتقوم بها الدولة للحد من الفقاعة العقارية في السوق المصري، وهيا الطروحات اللي بتقدمها وزارة الإسكان والمرافق والمجتمعات العمرانية واللي تقريبا كل يوم يتعلن عن طرح جديد قدام المواطنين سواء كانت شقق سكنية واللي بتتوع بين الإسكان الاجتماعي للفئات محدودة ومتوسطة الدخل والإسكان الفاخر واللي بتقدمه الدولة في صورة شقق جنة ودار وسكن مصر، ده غير كمان الطروحات المتتالية اللي بتقدمها الحكومة للمواطنين للحصول علي الأراضي المختلفة في كل المحافظات.
الطروحات دي أخذت من الشقق شريحة كبيرة جدا من المواطنين خصوصا أن الطروحات دي بتقدم للمواطنين أنظمة سداد مختلفة وأغلبها بتكون علي مدد طويلة، ده غير أن الناس عندها ثقة كبيرة في التعاقدات لشراء العقارات من الحكومة خصوصا أن السوق في الأيام اللي فاتت كان مليان عمليات نصب باسم العقارات وبالتالي الناس بتروح للمكان الثقة وطبعا مفيش أهم من الحكومة .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
