فيه شائعة جديدة ملّت السوشيال ميديا اليومين اللي فاتوا.. الكلام عن إن في رسوم هتتفرض على اللي بيستقبل مكالمات على الموبايل... يعني لو حد كلّمك، إنت اللي هتدفع!.
الجهاز القومي لتنظيم الاتصالات خرج ونفى الكلام ده تمامًا، وأكد إن دي شائعة بتتكرر من فترة للتانية. الحقيقة إن من 27 سنة نظام الاتصالات في مصر ثابت: المتصل هو اللي بيدفع تكلفة المكالمة، مش المستقبل.
الجهاز كمان وضّح إنه أي قرار جديد بيتعلن بشكل رسمي وشفاف، وقال إن الشكاوى اللي وصلت للجهاز في النصف الأول من السنة دي انخفضت 4 آلاف شكوى عن نفس الفترة السنة اللي فاتت.. و97% من الشكاوى اللي اتصعّدت للجهاز اتحلت فعلًا.
يعني مش بس مفيش رسوم جديدة، لكن كمان في تحسّن ملحوظ في التعامل مع مشاكل المستخدمين.
قولنا في التعليقات هل أنت حاسس بالتحسن ده.. واحكلينا عن تجربتك في تعامل شركات الاتصالات مع الشكاوي؟
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
