خرج الفنان تامر حسني بفيديو لايف على حسابه الرسمي بتطبيق تيك توك، للحديث والتفاعل مع الجمهور والرد على أسئلتهم المختلفة، والكشف عن جوانب كثيرة من جوانب حياته الشخصية.
تامر حسني: بحاول أساعد اي حد
تحدث تامر حسني في تصريحات رصدها موقع تحيا مصر عن دعم المواهب الشابة، قائلا: أنا تعبت جدا في بدايتي ولو أقدر اساعد حد هساعده.. بحاول بقدر الإمكان اني أدعم المواهب الشابة مش لازم حد يتمرمط ويشوف البهدلة اللي أنا شوفتها.. واتعلمت ده من والدتي لأنها كانت تجبر بخاطر الكل.
ومن بين تصريحاته أيضا، قال تامر حسني: نفسي أقول لكل الناس أن للأسف في حاجات كتير بتحصل بسبب التعليقات السلبية، ممكن تموت بني آدم بكلمة وحشة، وأنا كفنان ياما سمعت ولكني اتمرنت أتعامل، ولكن البني آدم الطبيعي فعلًا بيتأثر، بطلب من الناس يتمرنوا إزاي يتعلموا يحولوا الطاقة السلبية لـ طاقة إيجابية.
تامر حسني: كتبت ولحنت أغنية يا نور عيني وكانت من أنجح أعمالي.. وكتابة الافلام مكنتش نيتي
وتحدث تامر حسني عن أعمالها الفنية، قائلا: اول أغنية لحنتها كانت راحت حبيبتي ونجحت جدا، ووقتها ناس هاجموني وقالوا انت لحقت تنجح عشان تلحن، ولكن رغم ده كتبت ولحنت أغنية يا نور عيني تاني وكانت من أنجح أعمالي.. وكتبت أفلام وأخرجاها رغم أن كتابة الافلام مكنتش نيتي لكن بصيت في ورقتي وربنا كرمني.
وتابع تامر حسني حديثه: لما جيت أعمل أغنية come back to me الناس قالوا أنت مفكر نفسك إنجليزي؟، قولت إيه المشكلة ما نعمل ده وندخل الراب أصلًا، كان ده فكر جديد سنة 2009، ولغاية دلوقتي 2025 الأغنية بتتطلب مني بتوزيع جديد.
اخر أعمال تامر حسني
من ناحية أخرى، كانت أخر أعمال تامر حسني في السينما فيلم ريستارت والذي تدور أحداثه حول إطار من الكوميديا، يحلم (محمد)، وهو فني صيانة هواتف بسيط، بالزواج من حبيبته المؤثرة المغمورة على مواقع التواصل (عفاف)، ويجدان أن السبيل الوحيد لتحقيق حلمهما هو المال، فيقرران التعاون مع عائلتيهما لملاحقة الشهرة.
وشارك في فيلم ريستارت إلى جانب تامر حسني كلا من النجوم هنا الزاهد وباسم سمرة وآخرين.
