الناس بطلت تشتري ذهب، والذهب سعره نزل وشكله مكمل في النزول فترة طويلة، ياتري اية حقيقة الكلام ده وهل ممكن نشوف أسعار الذهب تنزل ل 4 الاف جنية تاني.
مع نهاية 2024 واسعار الذهب في مصر ركبت الريح وعلي مدار أقل من سنة أسعار الذهب في مصر حققت مكاسب خيالية محدش كان يتوقعها، والناس اللي استثمرت فلوسها في الذهب حققت مكاسب كبيرة جدا، وخلال الفترة اللي فاتت أسعار الذهب في مصر وصلت لارقام عمرها ما وصلت لها علي مدار التاريخ كله.
في الفترة اللي فاتت أسعار الذهب في مصر وصلت لأكثر من 5000 جنية لجرام الذهب عيار 21 واللي هو الأكثر مبيعا وانتشارا في مصر خصوصا في القري والمحافظات، ودي خلي في اقبال كبير من الناس علي شراء الذهب وخلي الأسعار وصلت لارقام قياسية وفضلت الأسعار تتقلب ما بين الارتفاع والهبوط ويوم في الطالع واليوم التاني في النازل ومكنش فيه استقرار في الأسعار وده بسبب استقرار وارتفاع وتيرة الصراعات والتوترات الجيوسياسية والاقتصادية في العالم كله .
طيب اية حكاية هبوط أسعار الذهب في الفترة اللي الحالية وهل ممكن نشوف أسعار الذهب توصل ل 4 آلاف جنيه؟.
شعبة الذهب والمعادن الثمينة باتحاد الصناعات المصرية كشفت عن تراجع ملحوظ في مشتريات المصريين من الذهب في الربع الثاني من 2025، ووصلت نسبة التراجع ب 20% مقارنة بالفترة نفسها من السنة اللي فاتت، وده مؤشر كويس علي تراجع موجة التحوط مع التحسن النسبي للأوضاع الاقتصادية واستقرار سعر الصرف المحلي.
الشعبة قالت كمان أن مشتريات المصريين من الذهب وصلت ل 11.5 طن خلال الربع الثاني من العام الجاري، مقابل 14.4 طن في نفس الفترة من 2024، ورجحت الانخفاض ظن بسبب انحسار موجة المضاربات اللي كانت موجودة في السوق خلتل الفترات اللي فاتت، ووصلت مشتريات المصريين من المشغولات الذهبية ل 5.7 طن، بانخفاض 17% على أساس سنوي، وسجّلت مشتريات السبائك والعملات الذهبية ما يقرب من 5.9 طن، بتراجع بنسبة 23% وده بياكد عودة الاستقرار النقدي وهدوء الضغوط التضخمية.
كل اللي بيحصل في سوق الذهب حاليا بياكد أن الجنيه المصري بدأ فعلا في التعافي قدام الدولار وزيادة تدفقات النقد الأجنبي سواء من السياحة أو استثمارات الأجانب في أدوات الدين، واللي ساهمت في تهدئة السوق وتقليل الاعتماد على الذهب كملاذ آمن لحماية المدخرات، وحاليا السوق المصرية للذهب بدأت يتحول تدريجيا من سوق مضاربة إلى سوق بتعتمد بشكل أكبر على الطلب الحقيقي، سواء للاستهلاك أو لأغراض الزينة .
خلال شهر يوليو اللي فات أسعار الذهب عيار 21 تراجعت بنسبة 2.7%، وحاليا سعر الجرام بيتراوح ما بين 4550 الي 4520 جنيه.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
