أكد الإعلامي أحمد موسى أن إدارة منصة تيك توك قامت بحذف 2.9 مليون فيديو غير لائق بعد التحركات التي قامت بها الدولة المصرية ضد أصحاب المحتويات المخالفة.
وقال موسى خلال برنامج "على مسؤوليتي" المذاع على قناة "صدى البلد": "حصل إنه أنتم عارفين تم حجب كام النهارده، اليوم يعني، لما أنت أخدت إجراءات والدولة بتطبق القانون والإجراءات بتعمل ردع حذفوا، حذفوا النهارده 2.9 مليون فيديو".
وأضاف: "طب انت عندك يعني قوة إنك تقدر تاخد إجراء حذف طب انت سيبهم السنين اللي فاتت دي كلها وعندك هذه الإمكانية تعمل ده، ما عملتوش ليه؟ انت لما إحنا عملنا، طلعنا العين الحمراء، بدأتوا تتحركوا".
وتابع: "إدارة التيك توك، هي التي قامت بحذف هذه الفيديوهات الجهة المسيطرة، الصانعة لهذا المحتوى، التيك توك العالمية، بالمناسبة، امبارح أكبر مسؤول في الشركة الصانعة لهذا المحتوى تواصل امبارح مع السادة النائب أحمد بدوي، رئيس لجنة الاتصالات وتكنولوجيا المعلومات في مجلس النواب".
وأوضح: "امبارح تواصلوا معاه بعتوا رد للسيد النائب أحمد بدوي، تواصلوا معاه على طول امبارح، إدارة تيك توك العالمية، تيك توك تواصلوا معاه امبارح ليه؟ حصل ضجة كبيرة جدًا امبارح بعد المداخلة اللي تمت معانا من الإدارة العالمية التي تدير هذه المنصة، تيك توك وطبعًا النهارده تحركوا، وعلى طول عندهم اجتماع أعتقد خلال أيام عشان يعملوا إجراءات ويعملوا تقنين لوضعهم في مصر".
وأكمل: "إدارة تيك توك، مش إحنا الإدارة المعنية بتيك توك عملوا حذف لـ 2.9 مليون فيديو ثم بيعملوا دلوقتي تنقية وتنظيف لأي فيديو خارج، كمان، وده يمكن السؤال الغريب لما انت عندك القدرة كإدارة معنية عن التيك توك، عندك هذه القدرة، ما عملتش ده ليه من الأول؟ ليه انت سبت؟ يبقى انت أكيد بتستفيد من هذا الأمر، تستفيد وتحققوا أرباح من هذه الفيديوهات، اللي هي تهدم الأسرة، تهدم القيم، لا تعبر عننا، ولا عن شعبنا، ولا عن ولادنا، ولا عن شبابنا، على الإطلاق طب عندك القدرة دي، ما عملتوش ليه من نفسك؟".
وذكر: "لازم البلد تتحرك، سواء نتكلم على وزارة الداخلية، المجلس الأعلى لتنظيم الإعلام، مجلس النواب، الجهات المعنية عندك هذه الإجراءات، وعندك هذه القدرة إنك تعمل ده، ليه ما حذفتش من الأول؟، حاليًا، بيتعاونوا مع مؤسسات الدولة المصرية إنهم هياخدوا إجراءات لتقنين أوضاعهم، هيكون عندهم رؤية جديدة، والتزام كامل بالقانون والقوانين المصرية".
