الطالبة سمية السيد: "مكنتش مصدقة أطلع الأولى على الثانوية العامة ودا رزق ربنا".. فيديو

تابع أحدث الأخبار عبر تطبيق

أعربت الطالبة سمية السيد فرج، عن سعادتها الكبيرة بحصولها على المركز الأول في الثانوية العامة، شعبة علمي رياضة، قائلة: "الخبر كان مفاجئًا وغير متوقع على الإطلاق".

وقالت "سمية" في مداخلة هاتفية لبرنامج "صباح البلد" على فضائية "صدى البلد" اليوم الأربعاء: "كرم ربنا أكبر من تعبنا وتعبت كتير بوصولي لهذه النتيجة"، موضحة: "مكنتش متخيلة خالص إن ده ممكن يحصل، وعرفت الخبر من حد من الصحفيين وافتكرت حد بيهزر معايا، وقولتله لما الوزارة تنزل النتيجة نبقى نشوف".

وتابعت: "بعد المكالمة ما خلصت، ماكنتش مصدقة خالص، وأول حد قلت له كانت ماما، وفوجئوا كمان بالخبر من الناس اللي بدأوا يتصلوا بيهم".

وأردفت الطالبة الحاصلة على المركز الأول في الثانوية العامة، شعبة علمي رياضة: "ماما مكانتش فاهمة حاجة في البداية، وإحنا أصلاً كنا مش مصدقين ومش فاهمين إيه اللي بيحصل، محدش كان متخيل أبدًا إني أطلع الأولى على الجمهورية، الموضوع كبير أوي، وتعبت جداً، بس في النهاية هو كرم ربنا، واللي حصل ده رزق وكرم كبير".

وأعلنت سمية أنها تطمح في الالتحاق بكلية الهندسة، موضحة: "إن شاء الله هدخل هندسة، ولسه عايزة أجرب الأول وأشوف التخصص اللي هحبه، عايزة أستكشف وأختار اللي يناسبني".