كلام كتير متداول عن عودة الحكومة فتح مبادرة سيارات المصريين بالخارج.. ياتري اية حقيقة الكلام ده.. واهداف الحكومة من النوع ده من المبادرات.
من وقت للتاني الدولة المصرية يتطلق مبادرة لزيادة ارتباط المصريين العاملين بالخارج واللي التجربة أثبتت أنهم السند الحقيقي للدولة المصرية وقت الازمات واللي بفضلهم الاقتصاد المصري فضل ماسك نفسه في وقت كانت الدولة والاقتصاد المصري مهددين بشكل كامل بسبب أزمة شح العملات الأجنبية اللي كان بيعاني منها الاقتصاد المصري في 2023.
الفترة اللي فاتت واللي مصر كانت بتعاني فيها من أزمة شهيرة بسبب نقص العملات الأجنبية في البنوك، تحويلات المصريين العاملين بالخارج كانت هيا الساند الرئيسي للاقتصاد المصري، واللي مع الإجراءات الاقتصادية اللي أخذتها الدولة من تحرير سعر صرف الجنية المصري مقابل الدولار بشكل مرن واللي كان لها عامل السحر في عودة كل إيرادات المصريين العاملين بالخارج للقنوات الرسمية في السوق السوداء للتجارة بالعملات الي قنواتها الرسمية في البنوك، وكان الضربة القاضية لحاجة اسمها السوق السوداء في الاقتصاد المصري، وعلشان كده من وقت للتاني الحكومة بتطلق عدد من المبادرات الحكومية واللي الهدف منها هو زيادة ارتباط المصريين العاملين بالخارج بوطنهم الام مصر وكمان زيادة إيرادات وتحويلات المصريين العاملين بالخارج في الناتج القومي المصري.
طيب هل الحكومة ناوية ترجع مبادرة المصريين العاملين بالخارج مرة تانية ؟.
حتي الآن مفيش اي تأكيد سواء من الحكومة ممثلة في وزارة المالية في عودة مبادرة سيارات المصريين بالخارج للدخول لحيز التنفيذ مرة تانية بعد ما انتهي العمل بيها في الفترة اللي فاتت.
مبادرة سيارات المصريين العاملين بالخارج كانت بداية الخطوات اللي أطلقتها الحكومة المصرية لزيادة ارتباط المصريين العاملين بالخارج مع الوطن وكانت مبادرة قائمة علي تقديم مزيد من التسهيلات للمصريين بالخارج لإدخال سيارات للسوق المصري بدون جمارك، ولكن بشروط محددة.
إطلاق الحكومة لمبادرة سيارات المصريين العاملين بالخارج كان لها اكثر من هدف أولهم دعم المصريين بالخارج وده كواحدة من أهداف الحكومة لتقديم تسهيلات مباشرة للمصريين المقيمين بالخارج، ومنحهم مزايا ملموسة تعكس التقدير لدورهم في دعم الاقتصاد الوطني.
تاني هدف الحكومة من مبادرة سيارات المصريين العاملين بالخارج كان تعزيز الثقة بين الدولة والمغتربين خصوصا أن المبادرة كانتخكوة لعودة التواصل والثقة بين الحكومة وأبناء الجاليات المصرية في الخارج،. اخيرا كان الهدف منها هو تشجيع التحويلات الرسمية خصوصا أن المبادرة كانت قائمة علي دفع قيمة الوديعة الدولارية من خلال القنوات الرسمية، وبالتالي المبادرة كانت هدفها زيادة التحويلات من العملة الأجنبية إلى مصر.
مبادرة سيارات المصريين العاملين بالخارج حققت أهداف كتيرة للحكومة منها زيادة التدفقات النقدية في الناتج القومي المصري بالدولار وده واحد من اهم المكاسب اللي كانت معمول علشانها المبادرة واللي كانت بتمص علي قيام صاحب السيارة بدفع وديعة بالدولار بيسددها المصريين العاملين بالخارج والحكومة هتردها للمواطنين بعد 5 سنوات بالجنيه المصري، وده عززز الاحتياطي النقدي الأجنبي في البنك المركزي، ده غير أن عملت حالة من النشاط والرواج لسوق السيارات في مصر وكانت سبب في دخول موديلات حديثة للسوق المصرية وكان لها عامل أساسي في تحسين والتوفير للاقتصاد المصري خصوصا أن الموديلات الجديدة اللي دخلت السوق المصري كانت أقل في استهلاك الطاقة والبنزين والسولار.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
