أكد الإعلامي تامر أمين أن النادي الأهلي نجح في تحقيق مكاسب كبيرة من بيع لاعبه وسام أبو علي لنادي كولومبوس الأمريكي.
وقال أمين خلال برنامج "آخر النهار" المذاع على قناة "النهار": "الأهلي خلاص قرر أنه ينفذ التعاقد مع نادي كولومبوس الأمريكي لبيع وسام أبو علي بمبلغ 7 ونص مليون دولار بالإضافة إلى مجموعة من البنفتس والمزايا والبونص وكذا يقدروا بحوالي واحد ونص مليار دولار يعني تقريبا جملة ما سيتقاضاه الأهلي نظير بيع وسام 9 مليون دولار".
وأضاف: "وهنا للمره المليون هقول لكم إنه أنا مش فارق معايا الرقم لأن أنا من شهر قبل الهنا بسنة وقبل كل الموال اللي إحنا عشنا فيه وكان موال بايخ بصراحة لو تفتكروا أنا قلت لحضراتكم هنا في البرنامج بيع وسام قلت مجلس إدارة الأهلي بيع وسام بأي رقم بيعوه ب10 بيعوه تسعة بيعوبانيه بيعوه بسبعة اللي يجيبه مع ألف سلامة".
وتابع: "ليه؟ لأنك خلاص مش هتعرف تاخد منه حاجة واللي مش عايزني أنا ما أدفعش مليم واستن وأمسك فيه بألف سلامة وابيعه بالرخيص كمان بس الأهلي الحقيقة طلع أشطر مني"
وذكر: "الأهلي ومجلس إدارته لازم اعترف طلعوا أشطر مني قالوا أه هنبيعه بس مش بالرخيص ده هنبيعه وهنبيع بيع غناوه وبيع تأمر بنتآمر وإحنا بنبيع وبيع بالغالي وهنكسب فيه قوي ليه؟ لأن ما فيش حد لاوي دراعنا ما فيش حد كسر عينا اللعيب على ذمته وتعاقده قانوني معانا ولسه عقده مستمر لسنه 29 اتنازل ليه استرخص ليه أخسر فلوس ليه".
وواصل: "الحقيقة شابو برافو مجلس إدارة الأهلي انتصر بامتياز في هذه الصفقة إدار صفقة بيع وسام بأفضل ما يكون رغم الضغوطات ورغم الاستفزاز ورغم بعض الحاجات اللي طلعت في النص".
وأوضح: "وبعد بيان الاتحاد الفلسطيني واللي اتشال وبعد بيان النادي الأمريكي واللي اعتذروا عنه وبعد طريقة وسام اللي مش لائقة وبعد كلام وكيله ولا الوسيط اللي ما كانش لا كل الدوشه دي الأهلي كان قاطع ودانه بالبلدي كده قطع ودانه يعني اللي يقول يقول ما دام أنا معايا الحق ما حدش له عندي حاجه وفعلا انتصر الأهلي".
واختتم: "معركة قانونية إدارية تسويقية أدارها الأهلي بمنتهى الاحترافية وخرج منها كسبان معنويا أن اسم الاهلي ما يبتزش وماحدش يهدده وما حدش يضغط عليه وماحدش كذا وماليا بأفضل رقم مالي جه للأهلي اعتقد خلال تاريخه، وهو حوالي 9 مليون دولار في لاعب كان جايبه بمليون ونص دولار يعني كسبان فيه ثمان أضعاف ولا سبع أضعاف".
