الكلام علي اسعار الذهب مش بيخلص، والفترة اللي جاية الكلام هيزيد أكثر وأكثر.. ياتري أسعار الذهب رايحة علي فين الفترة اللي جاية .. واية القرار اللي هيرفع اهتمام الناس بأسعار الذهب في الفترة اللي جاية.
من كان ساعة البنك المركزي أصدر قرار بتثبيت أسعار الفائدة للفترة اللي جاية، وطبعا بعد القرار ده في أسئلة كتيرة هتظهر في الشارع المصري وأغلبها هيكون عن الأوعية الادخارية اللي موجودة في السوق المصري وتأثير القرار ده اية عليه وامتي الميعاد الجديد للجنة السياسات النقدية بالبنك المركزي واية أبرز التوقعات اللي هتخرج عنه.
قرارات البنوك المركزي واحدة من أهم الحاجات اللي بتحدد مستقبل أسعار الذهب في العالم كله خصوصا أن أسعار الفائدة لها علاقة عكسية مع أسعار الذهب وكل ما كانت الفائدة مرتفعة كل ما كانت أسعار الذهب منخفضة وكل ما كانت الفائدة منخفضة كل ما كانت أسعار الذهب مرتفعة، وقبل اجتماع لجنة السياسات النقدية بالبنك المركزي واللي عقدت من أقل من 48 ساعة كان في تقرب كبير جدا من الناس للقرارات اللي هتخرج عنها خصوصا أن أي قرار بيصدر عن البنك المركزي بيكون له تبعات مباشرة علي السوق والاسعار في مصر.
طيب أسعار الذهب رايحة علي فين في مصر بعد قرارات البنك المركزي بتثبيت أسعار الفائدة ؟.
أسعار الذهب في مصر حاليا بتشهد استقرار نسبي وحرام 21 واللي هو الأكثر مبيعا انتشارا في مصر خصوصا في قري الدلتا والصعيد بيتراوح من 4600 حتي 4650 جنية ونسبة كبيرة من الاستقرار اللي موجود في أسعار الذهب سببه القرارات اللي اصدرها لجنة السياسات النقدية بالبنك بتثبيت أسعار الفائدة بدون تغيير .
كل الخبراء أكدوا أن قرارات البنك المركزي بتثبيت أسعار الفائدة مش هيكون به تأثير مباشر قوي علي أسعار الذهب خصوصا أن أسعار الذهب في مصر مرتبطة بسعر صرف الدولار والتغيرات الجيوسياسية والاقتصادية العالمية خصوصا أن كل الارتفاعات اللي حصلت في أسعار الذهب في مصر في الفترة اللي فاتت كان سببها التغيرات اللي حصلت في السعر العالمي للمعدن الأصفر.
الخبراء أكدوا كمان أن التوترات الجيوسياسية هيا العامل. المحرك الأول للسعر العالمي لأسعار الذهب وفي حالة عودة الضغوط المستقبلية أو حدوث أزمات جديدة علي المستوي العالمي فأسعار الذهب في مصر معرضة لزيادات جديدة في الأسعار خصوصا ان الأسعار المحلية مرتبطة بالسعر العالمي.
الخبراء قالوا كمان أن قرارات البنك المركزي بتثبيت أسعار الفائدة هيعمل توزان بين من جاذبية العملاء علي شراء شهادات الادخار والإقبال علي محلات الصاغة لشراء الذهب وده هيعمل توزان في السوق المصري، وأكدوا كمان أن أسعار الذهب في مصر خلال الفترة اللي جاية هتكون مرشحة للزيادة خصوصا أن العادة جرت أن أسعار الذهب في مصر بترتفع بارقام كويسة جدا في النصف الثاني من العام، ده غير أن التوترات الجيوسياسية واللي حاليا في مرحلة هدوي نسبي ولكنها مرشحة للعودة للاشتعال من جديد في اي لحظة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
