صندوق النقد الدولي للاسف صد مصر بسبب المراجعة الخامسة لقرض ال 8 مليار، ياتري اية الصدمة اللي وجهها صندوق النقد الدولي لمصر.. وازاي الحكومة بتتعامل معاها.. وآية الحاجات اللي الحكومة أنجزتها للمراجعة الخامسة.
في الفترة اللي فاتت صندوق النقد الدولي صدم الحكومة المصرية صدمة كبيرة جدا وقرر الجمع بين المراجعة الخامسة والسادسة في مراجعة واحدة، وده بعد التفتيش الكبير اللي قام بيها وفد الصندوق لما جه لمصر في شهر مايو اللي فات، للتتقيش علي الإجراءات اللي قامت بيها الحكومة في الفترة اللي فاتت للحصول علي الشريحة الخامسة واللي بتوصل ل 1.3 مليار دولار من قرض ال 8 مليار دولار اللي حصلت مصر علي موافقته في مارس 2024.
من كام ساعة الدكتور مصطفى مدبولي كان عامل مؤتمر صحفي مهم جدا اتكلم فيه عن التطورات اللي حصلت في الاقتصاد المصري والتحديات اللي بتواجههنا وخطط الحكومة للتعامل معاها، وفي وسط الكلام اللي صرح بيها اتكلم عن المراجعة الخامسة اللي قام بيها وفد صندوق النقد الدولي في شهر مايو والحاجات اللي الحكومة نجحت في تنفيذها والحاجات اللي الحكومة ما زالت في طريق إنجازها.
المؤتمر الصحفي اللي عقده رئيس مجلس الوزراء اتكلم باستضافة عن الحاجات اللي الحكومة أنجزتها من الشروط اللي الحكومة وقعت عليها مع صندوق النقد الدولي وقال إن الحكومة نجحت في تنفيذ كل الشروط اللي طلبها وفد الصندوق خصوصا الشروط المتعلقة برفع الدعم خصوصا بعد ما الحكومة قررت رفع أسعار المواد البترولية في الفترة اللي فاتت من البنزين والسولار وأنبوبة البوتاجاز ودي ضمن خطوات الحكومة لرفع الدعم بشكل تدريجي عن الخدمات اللي بتقدمها للمواطنين، وكان قبلها قرار برفع أسعار الخبز البلدي من 5 الي 20 قرش، وفي قرار مترقب صدوره في الفترة اللي جاية برفع أسعار شرائح الكهرباء في مصر كخطوة جديدة لتقليل وخفض الدعم الحكومي للسلع والخدمات اللي بتقدمها للمواطنين.
الدكتور مصطفى مدبولي قال كمان خلال المؤتمر الصحفي أن الحاجة الوحيدة اللي أخفقت فيها لسه لحد الان مخلصتش منها هيا ملف الطروحات الحكومية واللي الحكومة بدأت تنفذه من فترات طويلة بالتعاون مع صندوق النقد الدولي للتخارج من بعض الشركات وقطاعات العمل العام واللي بتمثل أعباء وخسائر مادية علي الناتج القومي المصري وبالتالي الحكومة اخذت قرار بطرحها للشراكة مع القطاع الخاص بهدف تحويل خسائرها لمكاسب في الناتج القومي المصري وكمان الحكومة هتريح دماغها من أرقام كبيرة كانت بتدفعها كرواتب للعاملين في الهيئات والمؤسسات دي.
الصندوق في الفترة اللي فاتت شاف إن الحكومة بدأت تأخذ خطوات لطرح عدد من المؤسسات التابعة لها في البورصة للشراكة قدام القطاع الخاص زي ملف المطارات واللي هيبدا طرحه قبل نهاية العام الحالي بطرح مطار الغردقة كأول الطروحات الحكومية في ملف المطارات.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
