حرص أمير عبد الحميد مدرب حراس مرمى النادي الأهلي الجديد، على التعليق بشأن قرار تعيينه في الجهاز الفني بالنادي، بعد رحيل ريبيرو مدرب الفريق السابق ومعاونيه.
وقال أمير عبد الحميد في منشور له عبر حسابه الرسمي على موقع التواصل الاجتماعي إنستجرام: أول مرة دخلت النادي الأهلي كان بالنسبالي دا أول حلم بيتحقق وأنا طفل عنده 10 سنين، من وقتها وأنا كان عندي أحلام كتير أوي، أولها إني لبست تيشرت النادي ولعبت باسمه سنين كتير أوي.. حققت فيها بطولات وألقاب.
وأضاف أمير عبد الحميد: كل يوم ليا في النادي كان حبي ليه بيكبر وأحلامي بتكبر معايا.. أكبر أحلامي دي كانت إني حتى لو بعدت عن النادي الأهلي كلاعب إني أرجعله كمدرب لحراس المرمى.. النهاردة الحلم ده بيتحقق وعلى قد ما حسيت إن أحلامي اتحققت حاسس بمسؤولية كبيرة تجاه النادي اللي عشت وإتربيت فيه واللي ليه الفضل عليا في كل اللي أنا وصلتله دلوقتي.
واختتم: جه اليوم اللي أرد فيه للنادي الأهلي الجميل ده وإن شاء الله أكون قد المسؤولية الكبيرة.. كل الشكر لكابتن الخطيب والمسؤولين في النادي الأهلي على ثقتهم فيا ودعمهم ليا.
