"بحب ربنا أكتر".. الإعلامية هند مدحت تفاجئ جمهورها بإرتدائها الحجاب

أعلنت الإعلامية هند مدحت عن ارتدائها الحجاب رسميًا تزمنًا مع عيد ميلادها، مشيرة أن هذا القرار جاء بعد صراع داخلي استمر أكثر من 4 سنوات.

الإعلامية هند مدحت تعلن ارتدائها الحجاب

ونشرت هند مدحت صور لها بالحجاب مُعلنة عن القرار، وذلك من خلال حسابها الرسمي عبر موقع تبادل الصور والفيديوهات القصيرة "إنستجرام"، كتبت: "⁨عمري ما غلبت في الكلام.. ولا اتحطيت في موقف و كنت مش عارفة أقول ايه..بس أنا فعلاً مش عارفه أكتب حاجه ولا أقول حاجه..مكنش عندي شك أن اللحظه دي هتيجي تاني..كنت واثقة في ربنا أنه عارف اللي جوايا ..عارف أنا بحبه قد ايه و مش بتبسط في أي مره بعصية فيها سواء في الكبائر او الصغائر"

وأضافت: "أنا بقالي 4 سنين مصدعه صحابي.. أنا عايزه اتحجب..مش قادره بس عايزة..بحب شعري قوي ..وبحب البحر والتان..بحب الفساتين القصيره و الحفلات و السهر و المزيكا..بحب نظرات الاعجاب بجمالي في عين اي حد بيشوفني راجل او ست ..بحب شغلي قوي اللي يمكن الحجاب يغير شكلو ..او يخليني مقدرش اعملو تاني..بس بحب ربنا اكتر.. بس مش قادره احول الحب لفعل ..مش عارفه اخد الخطوه دي".

تابعت: "انهارده عيد ميلاد جديد ليا..ميلاد لحياه جديده مبدأتش انهارده..بدأت من سنه ..و ركزت فيها من ٦ شهور بس.. انا مش هعرف اكتب كل حاجه جوايا..بس انا اتحجبت بدعوات امي و ابويا و اخواتي..و دعوات كل بنت هنا كانت لما بتشوفني بطرحه في العمره او اي حاجه تدعيلي".

اختتمت: فا انا عايزاكو تكملو دعا ليا..بس المرادي بالثبات..ربنا بس اللي عارف القرار ده خد مني قد ايه ..بس انا دلوقتي مرتاحه و مطمنه اكتر و عارفه و واثقه انه هيساعدني..ادعولي..كتير ..بالثبات و اني ربنا يقدرني و البسو بالطريقه الصحيحه اللي ترضيه".

وفي خطوة جريئة منها، قامت هند مدحت بحذف جميع صورها وفيديوهاتها السابقة على مواقع التواصل الاجتماعي المختلفة، وتلقت الدعم من جمهورها بالإضافة إلى عدد من الإعلامين أبرزهم الإعلامية سالي عبد السلام، التي علقت لها: "الله.. اللهم بارك".