عاجل|"كنت هموت".. مواطن يحذر من منتجات ليمتلس للمكملات الغذائية بعد خضوعه لغسيل معدة

حذر مواطن يدعى محمد بن على من منتجات شركة ليمتلس للمكملات الغذائية، بعد خضوعه لغسيل بالمعدة.

وقال صاحب المشكلة،" أنا بتعامل مع شركةLimitless Naturalss  من أول ما بدأت من كذا سنة البيت عندي و كل أسرتي بنستخدم منتجاتهم من أول الأطفال لحد المسنين لكن و للأسف الشديد أنا كنت هموت بسببهم تحديداً بسبب منتج باور ماكس.. أنا باخد منه قرص يوم آه و يوم لأ بالتبادل مع ليمتليس الأوميجا 3 بعد ما أخدت الحبة بحوالي ساعة ونص لقيت ألم غير طبيعي في معدتي و ارتجاع في المرئ 
أخدت كبسول و قلت يمكن مشكلة هضم عادية مع اني اليوم ده م أكلتش حاجة أكتر من جبنة قريش و سلطة خضراء".

وتابع،" تاني يوم أخدت الاوميجا و كله تمام بعدها بيوم أخدت الباور ماكس لقيت التعب رجع تاني لكن ألم المعدة أصبح لا يطاق مع قئ مستمر جريت على المستشفى الدكتور أداني حقنة توقف الترجيع وعملت غسيل معدة .. وانا مش عارف أنا فيا أيه و أيه السبب".

واستطرد،" رجعت البيت تاني يوم من المستشفى و انا براجع شريط الأحداث و بحاول أفهم ليه تعبت في المرتين بعد ما أخدت الباور ماكس؟ ببص على العلبة اتأكد من تاريخ الصلاحية لقيته تمام خاصة اني لسه شاري العبوة قريب بفتح العبوة لقيت الحبوب بالشكل ده".

وتابع،" مش سوء تخزين لأن لو كان كده كانت كل الأصناف تلفت و باظت.. والحقيقة حسيت بخيبة أمل كبيرة فيهم و وقفت كل منتجاتهم و هبلغ كل دايرة معارفي توقف تعامل لأن الألم اللي حسيت بيه و التجربة ككل كانت بشعة ولما تخيلت حد من أولادي أو والدتي اللي عندها تمانين سنة هم اللي مكاني أترعبت ".

وقال،" للأمانة أنا عمري ما اشتكيت أي شكوى من أي منتج ومحصلش أن كان في أثر جانبي لأي حاجة تبعهم لكن المره دي كانت هتجيب أجلي بصراحة".