كشفت الفنانة داليا البحيري عن تعرضها لحادث أثناء عودتها من الساحل الشمالي ونجاتها منه بعدما انفجر "كاوتش" سيارتها أثناء القيادة مما جعلها في حالة صدمة وعدم القدرة على السيطرة على السيارة، وإلى جانب هذا الحادث كشفت داليا البحيري عن أزمات تعرضت لها طوال صيف 2025 وطلبت من الجمهور الدعاء لها، ونستعرض حديثها فيما يأتي.
داليا البحيري تكشف عن أزماتها في صيف 2025
نشرت الفنانة داليا البحيري منشور عبر حسابها الرسمي على موقع تبادل الصور والفيديوهات انستجرام كشفت فيه عن أزمات مرت بها خلال صيف هذا العام، قائلة: “الحمد لله على كل شيء طبعًا... لأننا لازم نحمد ربنا على كل حاجة وفي كل وقت، اللي يعرفوني كويس، عارفين إني من محبي الصيف جدًا... بحب البحر، والشمس، والسمار، ولمّة العيلة، وكل حاجة في الصيف جميلة، حتى فاكهته! بس الحقيقة، السنة دي كانت من أسوأ الصيفيات اللي عدّت عليّ في الساحل... يتخللها بعض اللمحات الجميلة مع العيلة وبعض الأيام الطيبة، لكن للأسف كنت مضغوطة جدًا.”
وتابعت وفقا لما يرصده موقع تحيا مصر: “كنت بعمل نقل من بيت لبيت، ودي كانت حاجة مفاجئة ومش مترتّب لها، وعلشان كده كنت أسابيع تعبانة جدًا! جالي دور برد أو حاجة شبه الشد... مناعتي وقعت، وبقالي كورونا، أو زي ما تحبوا تسمّوها، ولما بدأت أتحسّن شوية، حسن (جوزي) اتعدى وتعب جدًا، أكتر مني بكتير، لدرجة إننا اضطرّينا نروح المستشفى، وقعدنا هناك ساعات في ديب فريزر... تكييييف عالي جدًا جدًا، لدرجة كنا موجوعين من البرد.”
تعرض داليا البحيري لأزمة صحية.. ونجاتها من حادث على الطريق
وأضافت داليا البحيري: “رجعنا من المستشفى، وبعد أقل من ساعة، حرارتي ارتفعت تاني، ورقدت... ومن يومها وأنا مش بتحسن! ويكتمل السيزون برجوعي من الساحل وأنا سايقة وتعبانة، لأن كان عندي ارتباط مهم في القاهرة، وفجأة كاوتش العربية يتفرتك ويطلع دخان!.. بحمد ربنا إنه حصل عند دخلة البوابات وماكنتش ماشية بسرعة... ده ستر ربنا الجميل ، باختصار كان صيف مشحون جدًا... بس برضو، هافضل أحب الصيف وأفضّله.”
داليا البحيري تطلب الدعاء لها بالشفاء العاجل
واختتمت حديثها طالبة من الجمهور ومتابعيها الدعاء لها بالشفاء العاجل: "ادعولي بقى أخف، لأني استويت ملحوظة: أنا مش بحب أعمل بوستات زي دي، لأني عمري ما كنت "بتاعت صعابيات"، بس كان لازم أشكر رجال المرور اللي كلهم شهامة، وساعدوني، وركّبولي الاستبن.. أي نعم كانوا عايزين يمشّوني بسرعة عشان في تشريفة سيادة الوزير معدية بس برضو كانوا جدعان".
