مكالمة من شخص بيقولك: أنا من خدمة عملاء البنك، محتاج تحدّث بياناتك فورًا أو ممكن نسهّللك قرض جديد، شكلها عادي، صح؟.. لكن الحقيقة إنها كانت باب لعملية نصب محكمة.
في المنيا، عصابة من ٣ أشخاص انتحلت صفة موظفين في البنوك، بيتصلوا بالضحايا، يخدعوهم إنهم بيحدّثوا بياناتهم البنكية، أو بيقدملهم تسهيلات لقروض.
وبمجرد ما ياخدوا أرقام البطاقات ورموز التأكيد، يستولوا على الفلوس من الحسابات.
الأمن العام بعد تحريات دقيقة قبض على التلاتة، وضبط معاهم ٧ موبايلات مليانة دلائل على نشاطهم.
وبمواجهتهم، اعترفوا إنهم نفذوا ١٠ وقائع نصب بالطريقة دي، وضحاياهم خسروا مبالغ مالية معتبرة.
منصة "بانكير" كانت حذرت من النوع ده من الاحتيال في حملتها الأخيرة لمكافحة النصب الإلكتروني، وقدمت نصايح مهمة لازم نفتكرها:
- "البنوك عمرها ما هتطلب بيانات سرّية زي رقم البطاقة أو الـ OTP على التليفون.
- أي مكالمة مش مطمنة، اقفل فورًا واتصل بالبنك على الرقم الرسمي.
- ماتشاركش رموز التحقق مع أي حد، حتى لو قال إنه موظف.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
