ميدو يشيد بـ فيريرا.. ويُصرح: الزمالك ليس أقل من الأهلي وبيراميدز

أشاد أحمد حسام ميدو، نجم الزمالك السابق، بالمدير الفني للفريق الأبيض واللاعبين، عقب الانتصار على مودرن سبورت في الجولة الثالثة من الدوري المصري الممتاز.

وحقق الزمالك الفوز على مورن سبورت بهدفين مقابل هدف في المباراة التي أقيمت على استاد هيئة قناة السويس، في إطار منافسات الجولة الثالثة من عمر المسابقة المحلية.

وكتب ميدو عبر حسابه الرسمي على منصة "إكس": "ألف مبروك فوز الزمالك، وأحسن حاجة حاصلة في الزمالك السنة دي، زي ما قلتلكم قبل كده إن الفريق مقفول عليه كويس ومعزول تمامًا عن أي مشاكل بتدور حوالين النادي".

طالع أيضًا | حلمي طولان: لاعب الزمالك لفت نظري.. ووزير الإسكان أغضب 50 مليون مصري

وتابع: "عايز أحيي فيريرا على تشكيله وتدخلاته في الماتش.. وعايز أحيي اللاعيبة اللي كان واضح عليهم الإصرار على المكسب واللعب بشراسة من أول دقيقة".

وأضاف: "لازم كل الماتشات تتلعب كده.. موت نفسك في الملعب، جمهور الزمالك هيشيلك فوق دماغه. أوعى حد يحط في مخك إنك أقل من أي فريق، بالعكس".

واختتم ميدو تصريحاته قائلًا: "وبكررها تاني.. الزمالك السنة دي مش أقل من الأهلي ولا أقل من بيراميدز، ولازم اللاعيبة تبقى فعلًا مؤمنة بكده".

ومن المقرر أن يلتقي الزمالك، مع فاركو الثلاثاء المقبل في الجولة الرابعة من مسابقة الدوري المصري الممتاز موسم 2025-2026.