أطلق الدكتور محمد كمال أستاذ القيم والأخلاق بجامعة القاهرة والخبير التربوي، حملة توعية تحت عنوان «أفهم تعليم» لتوضيح كل ما يتعلق بنظام البكالوريا المصرية الذي يتم تطبيقه اختياريا على طلاب الصف الأول الثانوي العام الدراسي الجديد 2025/2026 المقرر انطلاقه يوم 20 سبتمبر المقبل.
«أفهم تعليم» المناهج:
وأوضح الدكتور محمد كمال أستاذ القيم والأخلاق بجامعة القاهرة والخبير التربوي، أنه من الانتقادات التي توجه للبكالوريا القول بأن المناهج في البكالوريا ستكون مستوى رفيع، قائلا "يعني صعوبة كبيرة وحجم منهج مضاعف، والمدرسين نفسهم غير مؤهلين لتدريسها".
- أولا: علشان نقول المناهج صعبة بشكل كبير وحجم المنهج مضاعف لازم نكون شوفنا الكتب وبناء عليه قلنا الكلام ده.
- ثانيا: المدرس الذي درس في الجامعة التخصص بشكل مكثف وعالي لو مقدرش يفهم ويشرح منهج معد لطلبة ثانوي يبقي لا يصلح كمدرس من الأساس، وكلها سنة ويبقي طلاب أولى ثانوي دخلوا تانية ثانوي وهنشوف كلنا وقتها إن كل المدرسين بيقولوا إنهم متخصصين في منهج البكالوريا وإنهم أحسن ناس تشرحه الخ.
- ثالثا: هل المناهج فعلا صعبة جدا وحجمها مضاعف؟
مقدرش أقول كلمة حاسمة بخصوص المناهج ولكن الطبيعي إن المناهج هتكون أكبر من مناهج الثانوية العامة في مواد التخصص. طيب ليه؟ معلش هو ينفع منهج يدرس لطالب يدرس مادتين فقط طول العام يكون مساوي لمنهج يدرس لطالب يدرس 5 مواد؟
والأهم المنهج الذي يدرسه طالب الثانوية العامة في الصف الثالث مبني على ما درسه في الصف الثاني والأول، بينما طالب البكالوريا فيدرس المادة غالبا في الصف الأول ثم الثالث وبالتالي لا يمكن يدرس نفس منهج طالب الثانوية في نفس المادة في الصف الثالث وإلا يحدث خلل معرفي. وبالتالي ما سيحدث هو أن المنهجين سيكونوا مختلفين، وبالتأكيد منهج البكالوريا في مواد التخصص في تالتة هيكون أكبر من منهج نفس المواد في الثانوية. لكنه بالتأكيد لن يكون منهج صعب جدا أو تعجيزي كما يدعي البعض وإنما سيكون منهج متكامل.
- رابعا: طيب عايزين الكتب دلوقتي علشان نقدر نحكم على المناهج.
حضرتك سنة أولى مناهج موحدة يبدأ الاختلاف في سنة تانية يعني بعد سنة. حضرتك عايز المناهج دلوقتي ليه؟ هل مطلوب من الوزارة التسرع وعمل كتب مسلوقة علشان ترضي حضرتك؟ الطبيعي إنهم ياخدوا وقتهم علشان في النهاية تبقي الكتب فعلا تصلح للدراسة من كافة الجوانب.
- خامسا: ما احنا عايزين المناهج بتاعت البكالوريا علشان بناء عليها نحدد ندخل بكالوريا أو ثانوية عامة؟
طيب سؤال كتب الثانوية العامة موجودة بالفعل، هل لو اتغيرت السنة القادمة أو اللي بعدها حضرتك هتقول لا مش هدرس ثانوية عامة انتم غيرتوا المناهج؟ ولا هتدرس المناهج الجديدة؟ هتدرس الجديدة، يبقي بلاش كلام فارغ ولازم أشوف المناهج الأول علشان أقرر.
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
