تحدث الفنان محمد رمضان عن تعرضه للهجوم من قبل الجمهور وعدد كبير من رواد مواقع التواصل الاجتماعي، فضلا عن إقامة حرب إلكترونية عليه كل فترة، مشيرا إلى أنه لم يقصد استفزازهم لكنه يخاطب فئة معينة فتغضب الفئة الثانية دون أن يقصد.
محمد رمضان: بتهاجم عشان انا مختلف
وقال محمد رمضان على هامش المؤتمر الصحفي الشي أقيم منذ قليل في لبنان قبل حفله المقرر إقامته السبت المقبل بالعاصمة بيروت رفقة هيفاء وهبي: الناس بتهاجمني عشان قررت اني اكون مختلف واني اعمل حاجة جديدة، اي فنان مصري بعد نجاحه في بلده بيبص أنه ينجح في المنطقة العربية وبيقعد 40 سنة على كدة مش بيتحرك من مكان لكن أنا قررت أن أتوسع في افريقيا وبعدين عالميا.
وتابع محمد رمضان حديثه: ويمكن جزء من الهجوم ده بسببي بس انا مش بقصد استفزهم والله ويمكن صور الفلوس والعربيات وكدة لاني بخاطب ناس تانية مش الفئة اللي بتزعل خالص وبقيت في حيرة بين أن أفضل مستمر على خطتي ولا أرجع ارضي الفئة التانية ولكن قررت اني أكمل.
محمد رمضان: أنا لسة عندي 37 سنة واتمنى الناس تديني فرصة
واستكمل محمد رمضان حديثه: كل فنان ليه استراتجية معينة بيمشي عليها وأما استراتيجيتي تكمل هتعرفوا كويس أنا مين، أنا لسة عندي 37 سنة أكبر فنان دلوقتي وهو في سني كان لسة اسمه وجه جديد، فأتمنى الناس تديني فرصة وتستنى تشوفني بعد سنين قدام.
وكان قد تحدث محمد رمضان عن أهمية الجمهور اللبناني، قائلا: شرف لأي فنان عربي إنه يغني في لبنان، وأنا بنزل رجل من على رجل وأنا بتكلم عنها، وأي نجم لازم يتم اعتماده من الجمهور اللبناني علشان يكون نجم عربي.
مليانة مفاجآت.. محمد رمضان يشوق الجمهور لحلفه في لبنان
وتابع محمد رمضان حديثه، مشوقا الجمهور لحفله في لبنان: إن شاء الله الجمهور اللبناني هيشوف حاجة تليق بيه، ودا الحفل الأول ليا في لبنان، والانطباع الأول مهم جدًا، علشان كده حريص إنه يكون أقوى حفل، ومجهز مفاجآت كتير للجمهور.
ومن المقرر أن يقام الحفل في يوم السبت المقبل وذلك في العاصمة بيروت ويعد الحفل الأول لـ محمد رمضان في لبنان ويشارك به إلى جانب الفنانة هيفاء وهبي.
