الحكومة حاليا عاملة ثورة في منظومة الضرائب وفي إصلاحات بتحصل دلوقتي كانت مش موجودة قبل كده.. ياتري اية سر اهتمام الحكومة بإصلاح منظومة الضرائب.. وهل هيجي اليوم اللي نشوف الحكومة بتفرض ضرائب علي كل الناس.
خطوة مهمة من خطوات إعادة بناء الاقتصاد المصري قائمة الي إعادة ضبط منظومة الضرائب والتحصيلات من المستثمرين والشركات اللي موجودة في السوق المصري، وده ادي بشكل مباشر لزيادة الموارد الداخلية وتقليل الاعتماد الخارجي، وساعد الدولة على زيادة الإيرادات بدون ما نرفع الضرائب من خلال توسيع القاعدة الضريبية وتقليص الإعفاءات غير المبررة.
الخطوات اللي قامت بيها الحكومة في إعادة حكومة منظومه الضرائب أشاد بيها صندوق النقد الدولي واللي أكد أن مصر حققت تقدم كبير جدا في تعديل وإصلاح منظومة الضرائب في مصر، وشدد علي أهمية استمرارها لرفع الإيرادات المحلية.
لازم نعرف كمان أن إصلاح منظومة الضرائب كان واحد من البنود الأساسية اللي مصر اتفقت عليها مع صندوق النقد الدولي في قرض ال 8 مليار دولار واللي مصر أخذت موافقته في مارس 2024، والحكومة وافقت على زيادة نسبة الضرائب من الناتج المحلي الإجمالي بنسبة 2% خلال سنتين من خلال الاعتماد على إلغاء الإعفاءات الضريبية بدل زيادتها.
طيب اية هيا الخطوات اللي أخذتها الحكومة علشان تصلح منظومه الضرائب في مصر ؟
في عدد كبير من الخطوات اللي الحكومة أخذتها علشان تشكيل منظومة الضرائب في مصر أهمها اصدار قانون ضريبي جديد لتسوية النزاعات واللي اصدره البرلمان المصري برقم 5 لسنة 2025 واللي أتاح للشركات غير المسجلة في السنين اللي فاتت لتسوية الضرائب الموجودة عليها بدون فرض اي غرامات علي الوقت اللي فات، وكمان عطي مهلة للشركات المسجلة لتقديم إقرارات معدلة بدون غرامات، وطبق آلية جديدة لتسوية النزاعات الضريبية بشروط ميسرة زي دفع نسبة قليلة من الضرايب المستحقة وسدادها بالقسط بدون فوائد أو غرامات.
خطة الحكومة من إصلاح النظام الضريبي في مصر بتستهدف زيادة الإيرادات الضريبية بنسبة 3 ٪ من الناتج المحلي بحلول في 2026، ده غير أنها تضمنت فرض ضريبة على التجارة الإلكترونية، وتطبيق ضريبة مخصومة على صادرات المناطق الحرة للسوق المحلي، وادخلنا الرسوم الخضراء واللي تضمنت تحفيزات للضريبة البيئية، ده غير خطوات لإصلاح ضريبة الأملاك واستخدام المنصات الإلكترونية لتقليل اقتصاد السوق غير الرسمي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
