في جدل كبير جدا موجود في الشارع المصري عن خطوات والأوراق المطلوبة من المتضررين من مستأجري الإيجار القديم.. ازاي الحكومة متوفر بيوت وشقق سكنية بديلة لهم.. وهل ممكن نشوف أزمة جديدة في الشارع المصري بسبب متضرري الإيجار القديم.
قانون الإيجار القديم واحد من القوانين اللي موجود عليها جدا كبير في الشارع المصري خصوصا أن في عدد كبير من السكان أصبحوا متضريين من القانون، واللي هيرفع عليهم الإيجار حاليا ل 250 جنيه لحد تشكيل اللجان اللي هتقيم الشقق والعقارات وبعد 7 سنين هتنتهي العلاقة الإيجارية بين الطرفين.
طيب إزاي الحكومة بتتحرك علشان توفر مساكن بديلة لمتضرري الإيجار القديم ؟.
الحكومة أكدت أنها متلزمة بتوفير مشاكل بديلة لمتضرري الإيجار القديم وأنه هيكون في شقق كويسة جدا، واعلنت عن خطة لبدء تلقي طلباتهم وده هيكون اعتبارا من اكتوبر اللي جاي ولمدة 3 شهور، سواء على المنصة الإلكترونية أو عن طريق مكاتب البريد.
الحكومة حددت شوية شروط وأوراق من متضرري الإيجار القديم زي صورة من عقد الإيجار القديم والعقد القديم الأصلي أو الورق اللي يثبت استمرار سريان العقد، وبيانات الحالة الاجتماعية وكروت الهوية بتاع المالك وأولاده وبطاقات الرقم القومي، شهادات ميلادهم.
الحكومة كمان اشترطت علي متضرري الإيجار القديم علشان يقدموا علي المساكن البديلة أنهم يقدموا إقرار إنه هيسلم الوحدة القديمة أول ما يستلم البديلة، ولو المتضرر من ذوي الهمم يبقى لازم يقدم شهادة تأهيل، ولو في اي أنشطة تجارية يبقى ورق البطاقة الضريبية أو السجل التجاري.
الاوراق المطلوبة للمتضرر في حالة لو كان متجوز انه لازم يقدم قسيمة الزواج لو مطلق لازم يقدم قسيمة الطلاق وقرار التمكين لو الزوجة هيا الحاضنة، ولو ارمل لازم يقدم شهادة وفاة الزوج.
انا فيما يخص إثبات الدخل فيها بتختلف علي حسب طبيعة الشغل لو المتضرر موظف حكومي أو قطاع أعمال فلازم يقدم شهادة من جهة العمل بصافي الدخل، ولو المتضرر موظف بالقطاع الخاص فلازم يقدم شهادة بصافي الدخل ويكون فيها السجل التجاري والبطاقة الضريبية، انا أصحاب المهن الحرة والحرفيين: فلازم يقدموا إفادة تسجيل ضريبة وشهادة محاسب تبين قيمة الدخل ويقدموا السجل التجاري والبطاقة الضريبية.
بعد ما تجهز كل الاوراق دي المتضرر هيتابع إعلان وزارة الإسكان أول أكتوبر وهيقدم ورقه علي المنصة الالكترونية أو البريد، وده من خلال فتح حساب على المنصة ويتابع الطلب ويستكمل اي ورق ناقصه ويستنى نتيجة التخصيص ويستلم السكن الجديد ويسلم السكن القديم.
لازم تكون عارفين ان الدولة مش هتخلي اي مواطن يخلي سكنه القديم بدون ما توفر له سكن بديل ومفيش من متضرري الإيجار القديم هيروح ولا يترمي في الشارع.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
