يا ترى البنك المركزي المصرى هيعمل ايه في اجتماعه الجاي يوم 28 أغسطس 2025، هل هنشوف خفض جديد للفايدة ولا هيتم التثبيت، ولا ممكن يطلع قرار مفاجئ خارح التوقعات؟
في الحقيقة، كلنا مستنيين قرار البنك المركزي بخصوص أسعار الفايدة للفترة الجاية، والاجتماع ده هينعقد يوم 28 أغسطس الحالي، وطبعا كلنا متهمين لأن قرار تخفيض أو رفع الفايدة بينعكس على كل حاجة في حياته، سواء الأسعار او حياتنا اليومية حتى الناس اللي بتعمل ودايع أو بتاخد قرض من البنك.
يعني القرار ده هيأثر على كل حاجة من أول أسعار السلع والفواتير لحد الاستثمار وحركة السوق، عشان كده الأنظار كلها عليه.
والبنك المركزي كان قرر في الاجتماع اللي فات بشهر يوليو، إنه يثبت أسعار الفايدة بعد سلسلة من التخفيضات وخلا سعر الإيداع لليلة واحدة عند 24% وسعر الإقراض لليلة واحدة عند 25% والعملية الرئيسية عند 24.5% وكمان الإئتمان والخصم بنفس المستوى 24.5%، والقرار ده وقتها كان بهدف الموازنة بين دعم النمو الاقتصادي والسيطرة على التضخم خاصة بعد تغيرات كبيرة في المؤشرات المالية.
" title="تخفيض ولا تثبيت شوف توقعات اجتماع البنك المركزي الجاي بخصوص الفايدة" frameborder="0">
والاجتماع الجاي هو الخامس في السنة، وبيجي وسط توقعات متباينة، ففي محللين شايفين إن المركزي ممكن يخفض الفايدة تاني لو بيانات التضخم الجديدة جت منخفضة عشان يشجع الاستثمار ويقلل تكلفة التمويل، وفي فريق تاني بيقول إن التثبيت هو الأقرب عشان يضمنوا السيطرة على التضخم لحد ما الأوضاع الاقتصادية تبقى أوضح.
كمان، في ترقب عالمي مش بس محلي، لأن تحركات الفيدرالي الأمريكي وأسعار الفايدة العالمية بتأثر بشكل مباشر على قرارات المركزي، وأي تغير في الفايدة بره ممكن يخلي السوق هنا يتحرك في نفس الاتجاه أو عكسه حسب المصلحة.
والبنك المركزي لسه قدامه 3 اجتماعات كمان السنة دي، وهي ايام 2 أكتوبر و20 نوفمبر و25 ديسمبر، وده معناه إن قرار أغسطس ممكن يكون مؤشر مهم لسياسة الفايدة لباقي السنة.
يعني باختصار، اجتماع 28 أغسطس مش مجرد حدث اقتصادي لأ ده لحظة حاسمة هترسم ملامح السوق المصري، والقرار اللي هيطلع منه هيكون ليه تأثير مباشر على جيبك أنت قبل أي حد.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
