مصر هتسيطر علي سوق افريقيا والشرق الأوسط في صناعة السيارات الكهربائية وهنكون الوجهة الاولي للتصدير لكل أسواق العالم.. ياتري ده هيتحقق ازاي.. وآية هيا خطة الحكومة للتوسع في صناعة السيارات الكهربائية في مصر.
الصناعات الخضراء واحد من أهم الأهداف اللي الحكومة بتسعي للتوسع فيها، خصوصا انها المستقبل والعين كلها عليها وده التوجه العالمي اللي جاي وهو الاقتصاد الأخضر واللي بيكون هدفه الأساسي هو الحفاظ علي البيئة وتقليل استخدام الوقود الكربوني والديزل، واحدة من الصناعات دي هيا صناعة السيارات الكهربائية واللي مصر بقي عندها هدفها أنها توطنها في مصر وكمان تكون واحدة من الدول الرائدة في تصديرها.
طيب اية هيا خطة الحكومة لتوطين والتوسع في صناعة السيارات الكهربائية في مصر ؟.
من كام ساعة كان في مؤتمر صحفي مهم جدا لرئيس مجلس الوزراء الدكتور مصطفى مدبولي واللي اتكلم فيه عن محاور الاقتصاد المصري وجهود الحكومة لتوطين الصناعات. التحديات اللي بتواجهها، والدكتور مصطفى مدبولي جاوب فيه علي كل الأسئلة اللي بتشتغل بال الرأي العام واللي نقلها الصحفيين والإعلاميين اللي كانوا حاضرين المؤتمر .
نقطة مهمة جدا من النقاط اللي اتكلم فيها رئيس مجلس الوزراء الدكتور مصطفى مدبولي هيا توطين صناعة السيارات الكهربائية في مصر وخطة مصر لتصنيع 100 الف سيارة كهربائية سنويا، كواحدة من خطوات الحكومة للتحول للطاقة النظيفة وتقليل الانبعاثات الكربونية."
خطة الحكومة لتوطين صناعة السيارات الكهربائية في مصر جاية بناء توجيهات القيادة السياسية بتوطين صناعات السيارات بمختلف أنواعها في مصر خصوصا السيارات الكهربائية، وعلشان كده الحكومة حطت استراتيجية متكاملة لدعم صناعة السيارات الكهربائية بتشمل توطين الصناعة وتحفيز الاستثمار المحلي والأجنبي في صناعة السيارات بمختلف أنواعها.
واحدة من الخطوات المهمة اللي أخذتها الحكومة لتوطين صناعة السيارات بشكل عمومي والسيارات الكهربائية في مصر هيا أعاظة إحياء شركة النصر للسيارات بهدف إنتاج أول سيارة كهربائية مصرية بالتعاون مع شركات عالمية رائدة.
خطة الحكومة لتوطين صناعة السيارات الكهربائية في مصر تضمنت كمان التوسع في إنشاء وبناء بنية تحتية قوية بتضم أكثر من 1000 محطة شحن كهربائي في أنحاء الجمهورية في المرحلة الأولى، وكمان الدولة أطلقت عدد كبير من الحوافز للمواطنين لتشجيع الناس علي شراء السيارات الكهربائية من خلال طرح تخفيضات جمركية كبيرة علي واردات السيارات الكهربائية وإطلاق دعم مادي للسيارات الكهربائية محلية الصنع ونشر ثقافة الاستدامة والتكنولوجيا الخضراء.
لازم نكون عارفين ان مصر واحدة من الدول اللي بتدفع فاتورة كبيرة جدا لتغطية السوق المحلي من السيارات بمختلف أنواعها، وعلشان كده الدولة أخذت توطين صناعة السيارات في مصر كهدف خاص لوقف إستيراد السيارات من الخارج بمختلف أنواعها وكمان إعادة التصدير للخارج وفتح باب دولاري لمصر من صادرات السيارات.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
