كشف عمار ياسر، لاعب فريق الناشئين بنادي الزمالك، عن أزمة يعاني منها داخل القلعة البيضاء خلال الفترة الأخيرة، تتعلق بعدم حصوله على مستحقاته المالية، بجانب شكواه من سوء المعاملة التي يواجهها منذ عودته لقطاع الناشئين عقب فترة قضاها مع الفريق الأول.
وكتب اللاعب، عبر حسابه الرسمي على موقع التواصل الاجتماعي "إنستجرام" : أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده.
وأضاف عمار : أنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي، وللأسف ولا كأني كنت طالع غضب عن حد، أو واخد مكان حد من السنة اللي فاتت لحد دلوقتي بيجيلي عروض إعارة وبيع، وكلها كانت بترفض من غير ما أعرف مين السبب.
وأكمل ناشئي الزمالك قائلًا: من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترفتش. ولما أتكلم حد، بيقولوا مفيش فلوس وإن النادي بيمر بأزمة، طب أنا أعيش إزاي وأصرف منين؟.
وأختتم قائلاً : بعد كل ده، مطلوب منك تيجي التمرين وتلعب ومتتكلمش.. أنا مش بشتكي، أنا بس حبيت أعرف الناس أنا في إيه وبيمر بي إيه.
يُذكر أن عمار ياسر، من مواليد 2005، ويجيد اللعب في مركز المهاجم والجناح الأيسر، وتم تصعيده سابقًا للفريق الأول قبل العودة لقطاع الناشئين.
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
